សំបុកល្បែងហ្គេមបាញ់ត្រីគ្មានច្បាប់ជាច្រេីនកន្លែងនៅក្នុងទីតាំងកម្សាន្តយីហោ(ទីក្រុងជីវចល​)សង្ស័យ​មានខ្នងក្រាស់នៅពី​ក្រោយហេីយបានជាសមត្ថកិច្ចខណ្ខចំកាមនមិនហាន​បង្រ្កាប

ភ្នំពេញ:​ អភិបាល​ក្រុងលោក ឃួង ស្រេង បានមានប្រសា​ស​ន៍ថាការបង្កើតឱ្យមានកិច្ចប្រជុំគណៈបញ្ជាការឯកភាពនេះ គឺធ្វើឡើងក្នុងគោលបំណងដើម្បីដាក់ចេញជាផែនការនិងវិធានការផ្សេងៗទៀតក្នុងការទប់ស្កាត់បទល្មើសគ្រប់ប្រភេទ ដើម្បីភាពសុខសាន្តជូនប្រជាពលរដ្ឋនៅក្នុងរាជធានីភ្នំពេញ សូមអោយលោក ថេង សុថុល អភិបាលនៃគណៈអភិបាល​ ខណ្ឌចំការមនក៏ដូចជាលោកអធិការខណ្ឌចំការមនជួយយក​ចិត្តទុកដាក់ចំពោះប្រសាសន៍​របស់លោកអភិបាលរាជធានីផងដោយល្បែងស៊ីសងនៅក្នុងមូលដ្ឋានរបស់គាត់កំពុងវាយលុកទីផ្សារយ៉ាងខ្លាំងដូចជាហ្គេមបាញ់ត្រីមួយកន្លែងនៅ​ចំណុច​កន្លែង​កម្សាន្ត​ក្មេង​លេង​យីហោ(ទីក្រុង ជីវចល​)នៅមជ្ឈមណ្ឌលកោះពេជ្រជិតស្ពានឥន្ទធនូស្ថិត​ក្នុង​សង្កាត់​ទន្លេបាសាក់ ខណ្ឌចំការមន រាជធានីភ្នំពេញកំពុងតែដំណើរដោយរលូនពុំត្រូវបានអាជ្ញាធរនិងសមត្ថកិច្ចចុះបង្ក្រាបឡើយ ដែលធ្វើឱ្យប្រជាពលរដ្ឋមានការសង្ស័យថាអាជ្ញាធរនិងសមត្ថកិច្ចត្រូវរ៉ូវគ្នាឬបានលាភធំពីម្ចាស់ហ្គេមទើបបានជាមិនបង្ក្រាប។

ហ្គេមបាញ់ត្រីខាងលើនេះ បានបើកដំណើរការលេងយូរឆ្នាំមកហើយដោយពុំមានការបង្ក្រាបពីសំណាក់នគរបាលពាក់​ព័ន្ធនោះទេគេជឿជាក់ថាបើសិនជាសមត្ថកិច្ចចុះទៅ​បង្ក្រាបត្រួតពិនិត្យប្រាកដជាគ្មានច្បាប់នោះទេបើទោះជាមានក៏​ហួសសុពលភាពដែរ ។

ទីតាំងខាងលើនេះបើកលេងយ៉ាងរំភើយដោយគ្មានការខ្លាច​រអែងសមត្ថកិច្ចពាក់ព័ន្ធនោះឡើយពិសេសគឺបើក​ដំណើរ​ការលេងយ៉ាងពពាក់ពពូនខណៈដែលបច្ចុប្បន្ននេះនៅដំ​ណើរការធម្មតាហើយក៏មានមនុស្សចូលលេងច្រើនណាស់​ដែរពិសេសនៅពេលយប់ ។

ប្រជាពលរដ្ឋរស់នៅក្បែរៗនោះបានរិះគន់ថាគេមិនដែលឃើញសមត្ថកិច្ចឬអាជ្ញាដែនដីចុះមកសួរនាំនោះទេពោលគឺឃើញតែអ្នកលេងចូលសម្ងំលេងទាំងយប់ទាំងថ្ងៃក្នុងនោះក៏មានក្រុមក្មេងទំនើងក្រុមពួកញៀនថ្នាំចូលសម្ងំលេងផង​ដែរមិនដឹងថាសមាសភាពខាងណាខ្លះទេធ្វើឲ្យពួកគាត់ព្រួយបារម្ភពីសុវត្តិភាពនៅក្នុងមូលដ្ឋានរបស់ពួកគាត់យ៉ាងខ្លាំង ហើយសកម្មភាពនេះវាផ្ទុយទៅនឹងគោលនយោបាយ ភូមិសង្កាត់មានសុវត្តិភាពទាំង៩ចំណុចរបស់រាជរដ្ឋាភិបាលដែលបានដាក់ចុះ ។

មិនតែប៉ុណ្ណោះនៅពេលថ្មីៗនេះកាលពីថ្ងៃទី១៨ខែសីហាឆ្នាំ២០១៩កន្លងមករាជរដ្ឋាភិបាលបានសម្រេចលុបចោលមិនឲ្យមានមានល្បែងសុីសងតាមអុីនធើណេត អនឡាញបន្តទៀតទេព្រោះវាបានប៉ះពាល់ដល់សន្ដិសុខសណ្ដាប់ធ្នាប់សង្គម ហើយក្នុងនោះក៏មានក្រុមជនបរទេសខិលខូចលួចបើកខុសច្បាប់ហើយធ្វើសកម្មភាពជំរិតទារប្រាក់ពីជនរងគ្រោះទាំងក្នុងនិងក្រៅប្រទេសប៉ះពាល់ដល់សន្ដិសុខសង្គមយ៉ាងធ្ងន់ធ្ងរបំផុត។

ជាមួយគ្នានេះប្រជាពលរដ្ឋបានសំណូមពរដល់សមត្ថកិច្ចនិងអាជ្ញាធរដែនដីមេត្តាចុះបង្ក្រាបទីតាំងល្បែងហ្គេមបាញ់ត្រីទាំងពីរកន្លែងនេះផង ឬមួយមិនហ៊ានបង្ក្រាបព្រោះជាឆ្នាំងបាយរបស់ខ្លួន ៕