គ្រឿងញៀន​ជាង២០គីឡូក្រាមដែលក្រុមឧក្រិដ្ឋជននាំឆ្លង​ដែនពីប្រទេសជិតខាងត្រូវបានកម្លាំងយោធាខេត្ដស្ទឹងត្រែង បង្ក្រាប

គ្រឿងញៀន​ជាង២០គីឡូក្រាមដែលក្រុមឧក្រិដ្ឋជននាំឆ្លង​ដែនពីប្រទេសជិតខាងត្រូវបានកម្លាំងយោធាខេត្ដស្ទឹងត្រែង បង្ក្រាប

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ស្ទឹងត្រែង​:​ កម្លាំងយោធាចុះបង្ក្រាបបានគ្រឿងញៀនជាង​៤០កញ្ចប់ក្នុងទម្ងន់ប្រមាណជាង២០គីឡូក្រាមនៅគ្រាបើកការយាមល្បាតដើម្បីពង្រឹងសន្តិសុខនៅតាមបណ្តោយខ្សែបន្ទាត់ព្រំដែនកម្ពុជា-ឡាវ។

គ្រឿងញៀនជាង៤០កញ្ចប់ត្រូវបានក្រុមឧក្រិដ្ឋជននាំឆ្លង​ដែនពីប្រទេសជិតខាងចូលមកខេត្តស្ទឹងត្រែងប្រទេសកម្ពុជា នាម៉ោងជាង៣ទៀបភ្លឺថ្ងៃទី២៣ខែតុលាឆ្នាំ២០២០នេះនៅ​លើកំណាត់ផ្លូវ១ខ្សែក្នុងតំបន់ព្រំដែនចន្លោះបង្គោលឡាក់​លេខ០៣៤-០៣៥ស្ថិតក្នុងភូមិសាស្ត្រស្រុកបុរីអូរស្វាយ​សែនជ័យខេត្តស្ទឹងត្រែង។

Sponsor

មេបញ្ជាការតំបន់ប្រតិបត្តិការសឹងស្ទឹងត្រែងលោកឧត្តមសេ​នីយ៍ទោ ស្វាយ ញ៉ន បានផ្តាំផ្ញើដល់នាយទាហាននិងពល​ទាហានទាំងអស់ត្រូវខិតខំពង្រឹងកិច្ចទំនាក់ទំនងជាមួយកម្លាំងទាំងអស់នៅតាមព្រំដែនមានកម្លាំងនគរបាលកម្លាំងកងរាជអាវុធហត្ថ។

ឧត្តមសេនីយ៍ទោ ស្វាយ ញ៉ន ក៏បានឲ្យកម្លាំងនៃស្ថាប័នជា​ច្រើនទៀតត្រូវបន្តសហការគ្នាដើម្បីរក្សាសន្តិសុខសណ្តាប់ធ្នាប់និងសុវត្ថិភាពព្រំដែនឲ្យបានល្អថែមទៀតព្រោះបញ្ហាគ្រឿងញៀនគឺជាមុខសញ្ញាមួយយ៉ាងសំខាន់ដែលក្រុម​ឧក្រិដ្ឋជនតែងនាំចូលមកក្នុងប្រទេសកម្ពុជា៕