មន្ត្រី​យោធាម្នាក់បេីករថយន្តសេរីទំនេីបម៉ាក​Rolls-Royceដឹកជនជាតិចិនប្រុសស្រី៣នាក់ឆ្លងបារ៉ាស់គោលដៅបិទខ្ទប់រង្វង់មូលស្ពានជ្រោយចង្វាត្រូវសមត្ថកិច្ចឃាត់ខ្លួនសួរនាំ

មន្ត្រី​យោធាម្នាក់បេីករថយន្តសេរីទំនេីបម៉ាក​Rolls-Royceដឹកជនជាតិចិនប្រុសស្រី៣នាក់ឆ្លងបារ៉ាស់គោលដៅបិទខ្ទប់រង្វង់មូលស្ពានជ្រោយចង្វាត្រូវសមត្ថកិច្ចឃាត់ខ្លួនសួរនាំ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ភ្នំពេញ:​ កម្លាំងសមត្ថកិច្ចយាមគោលដៅបិទខ្ទប់នៅរង្វង់មូលគួចកាណុងស្ពានជ្រោយចង្វាឃាត់ខ្លួនមន្រ្តីយោធាម្នាក់រួមនិងជនជាតិចិនប្រុសស្រី៣នាក់ជិះរថយន្តសេរីទំនេីប (Rolls-Royce)ដែលបំរុងនិងឆ្លងទៅតំបន់ផ្សេងហេតុកា​រ​នេះកេីត​ឡើង​នៅ​រសៀល​ថ្ងៃទី​២៧ខែមេសាឆ្នាំ​២០២១នៅ​ចំណុច​រង្វង់​មូល​គួច​កាណុងសង្កាត់​ស្រះចក ខណ្ឌដូនពេញ រាជធានី​ភ្នំពេញ​។​

សមត្ថកិច្ច​បាន​ចាប់​ឃាត់ខ្លួន​មន្ត្រី​យោធា​ម្នាក់និង​ជនជាតិ​ចិន​ចំនួន ៣​នាក់ (​ប្រុស ២​នាក់ , ស្រី ១​នាក់​) ជិះ​រថយន្ត​ទំនើប​ម៉ាក​រ៉ូ​ល​រ៉​យបម្រុង​ឆ្លងកាត់​គោលដៅ​រង្វង់​មូល​គួច​កាណុង ឆ្លងទៅ​ត្រើយ​ខាងកើត​ដោយ​គ្មាន​លិខិតអនុញ្ញាត​ល្មើ​សនឹង​សេចក្ដីសម្រេច​របស់​រាជ​រដ្ឋាភិបាល​ក្នុង​ការបិត​ខ្ទប់​ភូមិសាស្ត្រ​រាជធានី​ភ្នំពេញនិង​ក្រុង​តាខ្មៅនៃ​ខេត្តកណ្ដាល ។​

Sponsor

សមត្ថកិច្ច​ប្រចាំ​គោលដៅ​រង្វង់​មូល​គួច​កាណុងស្ថិតក្នុង​សង្កាត់​​ស្រះចកខណ្ឌដូនពេញបានធ្វើការ​ត្រួតពិនិត្យនិង​បាន​ឃើញ​អ្នកបើកបរ​ម្នាក់​ជា​ទាហាន (​អនុសេនីយ៍ឯក​)​បានរួម​ដំណើរ​ជាមួយ​ជនជាតិ​ចិន​បីនាក់​។​ដោយមាន​ការសង្ស័យ​ស​ម​ត្ថ​កិច្ច​ក៏បាន​ធ្វើការ​ឃាត់ខ្លួន​មនុស្ស​ទាំង​បួន​នាក់​ន​នេះ នឹង​បាន​នាំខ្លួន​ទៅ​សួរនាំ​បន្ថែម​នៅ​ការិយាល័យ​ព្រហ្មទណ្ឌ នៃ​ស្នងការដ្ឋាន​នគរបាល​រាជធានី​ភ្នំពេញ​។​

មន្ត្រី​យោធា​ដែល​ឃាត់ខ្លួន​ឈ្មោះ មឿ​ន សា​មន នៅ​អង្គភាព​បញ្ជាការដ្ឋាន​ការពារ​អាកាសកងទ័ពជើងគោកជិះ​រថយន្ត​រ៉ូ​ល​រ៉​យ ពាក់​ស្លាក​លេខ កម្ពុជា BRS . 7377 ពណ៌​ខ្មៅ​លាយ​ទឹកប្រាក់​។​

​មន្ត្រី​យោធា​រូបនោះ​បញ្ជាក់ថា​ខ្លួន​បានទទួល​បញ្ជា​ពី​ថៅកែ​របស់ខ្លួន​ឲ្យ​យក​រថយន្ត​រ៉ូ​ល​រ៉​យ​ចេញពី​ក្រុមហ៊ុន​នៅ​ម្ដុំ​ផ្សារ​អី​អន​២ទៅ​ដឹក​ជនជាតិ​ចំនួន៣​នាក់ (​ស្រី​១​នាក់​) នៅ​ក្លិប​ស្កា​យ​បាស្ថិតក្នុង​សង្កាត់​ទន្លេបាសាក់ខណ្ឌចំការមនយកទៅ​អូ​តែ​ល​សុខា​តែ​ពេល​បើក​មកដល់​រង្វង់​មូល​គួច​កាណុងត្រូវបាន​សមត្ថកិច្ច​ឃាត់​សាកសួរ​។​

សូមជម្រាបថាសម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ​បាន​ដឹកនាំ​កិច្ចប្រជុំ​ស្ដីពី​សក​ម្មភាពនិង​វិធានការ​អនុវត្ត​ក្នុងការ​បង្ការទប់ស្កាត់និង​បង្ក្រាប​សកម្មភាព​ឆ្លងដែន​ដោយ​ខុសច្បាប់និង​ការ​លួចលាក់​នាំ​ជនបរទេស​ចេញពី​ភូមិសាស្ត្រ​បិទ​ខ្ទប់កាលពី​ថ្ងៃទី​២៦ខែមេសា ឆ្នាំ​២០២១​។  

កិច្ចប្រជុំ​នេះបាន​ធ្វើឡើង​បន្ទាប់ពី​កើតមាន​សកម្មភាព​លួច​លាក់​នាំ​ជនបរទេស​ចេញពី​ភូមិសាស្ត្រ​បិទ​ខ្ទប់​ក្នុង​រាជធានី​ភ្នំពេញនិង​ខេត្តស្វាយរៀង​ដែល​សមត្ថកិច្ច​បាន​បង្ក្រាប​បាន​កាលពីពេល​ថ្មីៗ​នេះ​ដោយ​ក្នុងនោះ​មាន​ឧ​ត្ត​ម​សេនីយ៍​យោធា​ផ្កាយ​ពីរ​ម្នាក់និង​បក​ក្ខ​ពួក​ចំនួន៦​នាក់បាន​លួច​នាំ​ជនជាតិ​ចិន​ចំនួន២៨​នាក់ចេញពី​រាជធានី​ភ្នំពេញ​ទៅ​ខេត្តស្វាយរៀង កាលពី​ថ្ងៃទី​២២ខែមេសាឆ្នាំ​២០២១៕