កុំចេះតែហ៊ានមិនមែន(Police)ពាក់មួកនិងឯកសណ្ឋានជាប៉ូលីសយួរមាន់ជល់ជិះម៉ូតូឆ្លងសាឡាងត្រូវប្រជាពលរដ្ឋថតបង្ហោះឃេីញដល់ស្នងការខេត្តកណ្តាលត្រូវឃាត់ខ្លួន

កុំចេះតែហ៊ានមិនមែន(Police)ពាក់មួកនិងឯកសណ្ឋានជាប៉ូលីសយួរមាន់ជល់ជិះម៉ូតូឆ្លងសាឡាងត្រូវប្រជាពលរដ្ឋថតបង្ហោះឃេីញដល់ស្នងការខេត្តកណ្តាលត្រូវឃាត់ខ្លួន

ទំនាក់ទំនង៖ 077 818 318
ចែករំលែកព័ត៌មានទៅកាន់៖

កណ្តាល​: សមត្ថកិច្ច​ឃាត់​ខ្លួន​បុរស់ម្នាក់បានបន្លំពាក់មួកមានសញ្ញា(Police)និងបន្លំឯកសណ្ឋានជានគរបាលកាលពីថ្ងៃទី០៨ខែមិថុនាឆ្នាំ២០២១វេលាម៉ោង១០និង០០នាទីស្ថិតនៅចំណុចលើកំពង់ចម្លង(ព្រែកតូចបារ៉ែនក្រោម)នៅភូមិព្រែករុនក្រោមឃុំព្រែកគយស្រុកស្អាងខេត្តកណ្ដាល ។

​ក្រោយទទួលបានបញ្ជាផ្ទាល់ពីលោកឧត្ដមសេនីយ៍ទោ​ ឈឿន​ សុចិត្ត​ ស្នងការនគរបាលខេត្តកណ្ដាលកម្លាំងនគរ​បាលបានឃាត់អ្នកបើកម៉ូតូពាក់មួកប៉ូលីសឈ្មោះ ភន សុភា ភេទប្រុសអាយុ៣៧ឆ្នាំជនជាតិខ្មែរមុខរបរជាងដែកមានទី​លំនៅភូមិបារ៉ែនក្រោមឃុំស្វាយប្រទាលស្រុកស្អាងខេត្តកណ្ដាល ។

Sponsor

វត្ថុតាងចាប់យករួមមាន
១. មួកប៉ូលីស ចំនួន ០១
២. ម៉ូតូ ចំនួន ០១គ្រឿង ម៉ាក FTR ពត៌ខ្មៅ ពាក់ផ្លាកលេខៈ ភ្នំពេញ 1AN.7432
៣. មាន់ឈ្មោល ចំនួន ០២ក្បាល
៤. កន្ត្រកមាន់ ចំនួន ០២

ប្រភពពីសមត្ថកិច្ចបានអោយដឹងថានៅថ្ងៃទី០៨ខែមិថុនាឆ្នាំ២​០​២១វេលាម៉ោង០៧ និង០០នាទីព្រឹកឈ្មោះ ភន សុភា បានទិញមាន់ឈ្មោលចំនួន០២ក្បាល(មាន់ដែលគេជល់ចាញ់មានរបួស)ក្នុងគោលបំណងយកទៅបង្កាត់ពូជដោយគ្មានចេតនាយកទៅជល់ភ្នាល់ដាក់លុយនោះទេបន្ទាប់ពីបានទិញរួចនៅវេលាម៉ោង១០និង០០នាទីថ្ងៃខែឆ្នាំដដែលខ្លួន​ក៏បានយកកន្ត្រកមកដាក់មាន់ខាងលើរួចជិះម៉ូតូឌុបប្អូនរបស់ខ្លួនអោយជួយកាន់កន្ត្រកដែលដាក់មាន់០២ក្បាលខាងលើ​យកទៅទុកនៅផ្ទះ ។

នៅពេលដែលជិះម៉ូតូមកដល់ចំណុចកើតហេតុនៅលើកំពង់ចម្លងខណៈកំពុងជិះទូកឆ្លងទន្លេរក៏ត្រូវបានគេថតរូបភាពបាន​បង្ហាញពីរូបពាក់មួកប៉ូលីសជិះម៉ូតូស្ពាយមាន់ជល់តែម្ដង ។

រហូតដល់ថ្ងៃទី១២ខែមិថុនាឆ្នាំ២០២១ក៏ត្រូវបានសមត្ថកិច្ចធ្វើការកោះហៅឈ្មោះ ភន សុភា មកធ្វើការសាកសួរនៅចំ​ពោះមុខសមត្ថកិច្ចនគរបាលឈ្មោះ ភន សុភា បានឆ្លើយសា​រ​ភាពថាខ្លួនពិតជាបានពាក់មួកប៉ូលីសហើយជិះម៉ូតូស្ពាយមាន់ពិតប្រាកដមែន ។