សង្ស័យ​រឿង​ប្រចណ្ឌ​ប្រពន្ធនគរបាលសេដ្ឋកិច្ចក្រសួងមហាផ្ទៃម្នាក់ផឹកស្រាបៀរអស់ច្រេីនកំប៉ុងសម្រេចចិត្តបញ្ចប់ជីវិតខ្លួន​ដោយប្រកាំភ្លេីងនៅជាប់ខ្លួន

សង្ស័យ​រឿង​ប្រចណ្ឌ​ប្រពន្ធនគរបាលសេដ្ឋកិច្ចក្រសួងមហាផ្ទៃម្នាក់ផឹកស្រាបៀរអស់ច្រេីនកំប៉ុងសម្រេចចិត្តបញ្ចប់ជីវិតខ្លួន​ដោយប្រកាំភ្លេីងនៅជាប់ខ្លួន

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ស្វាយរៀង​៖​ ករណីផ្ទុះអាវុធមួយគ្រាប់បង្កការភ្ញាក់ផ្អើលដល់អ្នកភូមិបានរាយការណ៍ទៅសមត្ថកិច្ចមូលដ្ឋានឲ្យចុះមកអន្តរាគមន៍និងពិនិត្យកន្លែងកេីតហេតុក៏ប្រទះឃើញបុរសម្នាក់ដេកក្នុងថ្លុកឈាមភ្លាមៗនោះសមត្ថកិច្ចដឹកយកទៅសង្គ្រោះនៅមន្ទីរពេទ្យបង្អែកស្រុកស្វាយទាបតែអកុសលជនរងគ្រោះបានស្លាប់បាតទៅហើយ។

ហេតុការណ៍នេះបានកើតឡើងកាលពីម៉ោង៥និង៣០នាទីល្ងាចថ្ងៃទី១១ខែមីនាឆ្នាំ២០២២ស្ថិតនៅក្នុងភូមិត្រពាំងកំពឹសឃុំខ្សែត្រស្រុកកំពង់រោទ៍ខេត្តស្វាយរៀង។ 

Sponsor

លោក​ ហែម សាមុត អធិការនគរបាលស្រុកកំពង់រោទ៍បានឱ្យដឹងថាបុរសរូបនេះមានឈ្មោះ​ សួន តេជះ អាយុ៣៤ឆ្នាំមុខរបរ​មន្ត្រីនគរបាលសេដ្ឋកិច្ចក្រសួងមហាផ្ទៃមានទីលំនៅរាជធានីភ្នំពេញតែបានមកស្នាក់នៅផ្ទះបងប្អូនចំណុចភូមិត្រពាំងកំពឹស ឃុំខ្សែត្រស្រុកកំពង់រោទ៍។

លោកបញ្ជាក់ថាបុរសនេះបានយកកាំភ្លើងម៉ាកឡុកពណ៌ខ្មៅលាយទឹកមាសបាញ់សម្លាប់ខ្លួនឯង១គ្រាប់នៅត្រង់គល់កខាងឆ្វេងធ្លាយមកឆ្អឹងជំនីខាងស្តាំក្រោយពេលផឹកស្រាបៀរ ABC អស់ជាច្រើនកំប៉ុងបណ្ដាលឱ្យស្រវឹងហើយប្រហែលជាមានចិត្តប្រចណ្ឌប្រពន្ធផងក៏ដាច់ចិត្តគិតខ្លីបាញ់សម្លាប់ខ្លួនឯងតែម្ដង។

ប្រភពបន្តថាបុរសរងគ្រោះបានមកលេងផ្ទះបងប្អូនកន្លែងកើត​ហេតុអស់រយៈពេល២ថ្ងៃមកហើយចំពោះសម្ភារវត្ថុតាងកាំភ្លើងខ្លីសមត្ថកិច្ចយកមករក្សាទុកនៅអធិការដ្ឋាននគរបាលស្រុកកំពង់រោទ៍ ។

ចំណែកសពក្រោយពិនិត្យនិងធ្វើកោសល្យវិច័យរួចត្រូវបានសមត្ថកិច្ចប្រគល់ឱ្យក្រុមគ្រួសារធ្វើបុណ្យតាមប្រពៃណី៕