ច្បាស់ហេីយអាជ្ញាធរចិនប្រកាសជាផ្លូវការថាមនុស្ស១៣២​នាក់នៅលើយន្តហោះChina Easternដែលធ្លាក់កាលពីដើមសប្តាហ៍បានបាត់បង់ជីវិតទាំងអស់ក្រោយពីរកឃេីញប្រអប់ខ្មៅបង្ហាញ​ទិន្នន័យ​

ច្បាស់ហេីយអាជ្ញាធរចិនប្រកាសជាផ្លូវការថាមនុស្ស១៣២​នាក់នៅលើយន្តហោះChina Easternដែលធ្លាក់កាលពីដើមសប្តាហ៍បានបាត់បង់ជីវិតទាំងអស់ក្រោយពីរកឃេីញប្រអប់ខ្មៅបង្ហាញ​ទិន្នន័យ​

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ចិន៖​ ក្រោយខិតខំប្រឹងប្រែងយ៉ាងអស់ពីលទ្ធភាពដើម្បីព្យា​យាមស្វែងរកជនរងគ្រោះប៉ុន្មានថ្ងៃមកនេះទីបំផុតអាជ្ញាធរចិន បានប្រកាសជាផ្លូវការថាមនុស្សសរុបទាំង១៣២នាក់ធ្វើដំ​ណើរលើយន្តហោះជើងហោះហើរMU5735ដែលធ្លាក់នៅតំបន់ក្វាងស៉ី (Guangxi) ភាគខាងត្បូងប្រទេសចិនកាលពី​ដើមសប្តាហ៍នេះគឺបានបាត់បង់ជីវិតទាំងអស់។

នេះបើតាមការចេញផ្សាយដោយទីភ្នាក់ងារសារព័ត៌មាន ស៉ីន​ហួរ នៅថ្ងៃសៅរ៍ទី២៦ខែមីនាឆ្នាំ២០២២។

Sponsor

យន្តហោះដឹកអ្នកដំណើរខាងលើដែលជារបស់ក្រុមហ៊ុនអាកា​សចរណ៍ចិនChina Easternនិងមានប្រភេទBoeing 737​-800 បានធ្លាក់នៅឯតំបន់ភ្នំក្បែរទីក្រុងវូចូវ (Wuzhou) នៃតំបន់ក្វាងស៉ី (Guangxi) កាលពីថ្ងៃចន្ទសប្តាហ៍នេះក្នុងគោល​ដៅធ្វើដំណើរពីទីក្រុងគួនមីង(Kunming)នៃខេត្តយូនណាន (Yunnan)ឆ្ពោះទៅកាន់ទីក្រុងក្វាងចូវ(Guangzhou)នៃខេត្តក្វាងទុង(Guangdong)នៅលើនោះមានវត្តមានអ្នកដំណើរ​១២៣នាក់និងក្រុមការងារយន្តហោះ៩នាក់។

គួរបញ្ជាក់ថាមកទល់ពេលនេះប្រអប់ខ្មៅទី១ដែលជាឧបករណ៍ថតសំឡេងនៅកាប៊ីនយន្តហោះត្រូវបានរកឃើញខណៈប្រអប់ខ្មៅមួយទៀតដែលជាឧបករណ៍កត់ត្រាទិន្នន័យហោះហើរនៅ​មិនទាន់រកឃើញនៅឡើយ។
ជាមួយគ្នានេះមូលហេតុនៃការធ្លាក់យន្តហោះក៏មិនទាន់អាចត្រូវសន្និដ្ឋានបានផងដែរខណៈតួយន្តហោះភាគច្រើនបានក្លាយទៅជាបំណែកតូចៗក្រោយពេលធ្លាក់ហើយបំណែកសាកសពមនុស្សមួយចំនួនត្រូវបានរកឃើញ៕