សមត្ថកិច្ច​ឃាត់ខ្លួន​ជនសង្ស័យ​២​នាក់​ក្នុង​ថ្ងៃ​តែ​មួយក្រោយ​ពីបានធ្វេីសកមញមភាពលួចទ្រព្យសម្បត្តិ​ប្រជាពលរដ្ឋតាមផ្ទះនិងមន្ទីពេទ្យ

សមត្ថកិច្ច​ឃាត់ខ្លួន​ជនសង្ស័យ​២​នាក់​ក្នុង​ថ្ងៃ​តែ​មួយក្រោយ​ពីបានធ្វេីសកមញមភាពលួចទ្រព្យសម្បត្តិ​ប្រជាពលរដ្ឋតាមផ្ទះនិងមន្ទីពេទ្យ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ខេត្តបន្ទាយមានជ័យ:​ ជនសង្ស័យ​ប្រុស​ស្រី​២​នាក់​ពាក់ព័ន្ធករណីលួច​ដូច​គ្នា​ត្រូវ​បានប្រជាពលរដ្ឋឃាត់ខ្លួន​ក្នុង​ថ្ងៃតែ​មួយរួចប្រគល់​ឲ្យ​នគរបាល​ក្រុង​ប៉ោយ​ប៉ែ​ត​កាលពី​រសៀល​ថ្ងៃ​ទី​១២វិច្ឆិកា២០១៩​។

សមត្ថកិច្ច​បានអោយដឹងថាជនសង្ស័យ​ទាំង​២ម្នាក់​ឈ្មោះ គង់ ឧត្តម ភេទ​ប្រុសអាយុ​២៩​ឆ្នាំស្នាក់​នៅ​ភូមិ​ក្បាលស្ពាន​មួយ​សង្កាត់​និង​ក្រុង​ប៉ោយ​ប៉ែ​តនិង​មាន​ទីលំនៅ​ភូមិ​ក្តី​ត្នោតឃុំ​ស្រែ​ថ្មីស្រុក​រលៀប្អៀរខេត្តកំពង់ឆ្នាំងនិង​ម្នាក់​ទៀត​ភេទ​ស្រី មិន​ស្គាល់​អត្តសញ្ញាណ​ព្រោះ​ត្រូវ​បាន​ដោះ​លែង​វិញ​ហើយ​។

Sponsor

ជនសង្ស័យ​ទី​មួយត្រូវ​បាន​នគរបាលការពារ​ព្រំដែន​គោក​លេខ​៩១១ប៉ុស្តិ៍​បឹង​សាគូធ្វើការ​ឃាត់ខ្លួន​ដោយសារ​ជនសង្ស័យ​កន្លង​មក​ធ្លាប់​ធ្វើសកម្មភាពដើរ​លួច​ទ្រព្យសម្បត្តិ​អ្នកស្រុក​តាម​បន្ទប់​ជួល​ជា​ច្រើន​ដងប៉ុន្តែ​បន្សល់​នៅ​រូបភាព​ជាប់​ក្នុងកាមេរ៉ា​សុវត្ថិភាព​ទើប​នគរបាល​ព្រំដែន​ចាប់​បាន​ពេល​ឃើញ​មុខសញ្ញា​រូប​នេះ​។

ជនសង្ស័យ​ត្រូវ​បាននគរបាលការពារ​ព្រំដែន​ប្រគល់​ឲ្យ​នគរបាល​ប៉ុស្តិ៍​រដ្ឋបាល​សង្កាត់​ប៉ោយ​ប៉ែ​តដើម្បី​ចាត់ការ​បន្ត​។

ដោយឡែក​ជនសង្ស័យ​ស្រី​ដែល​មិន​ស្គាល់​អត្តសញ្ញាណ​ខាងលើ​ត្រូវ​បាន​សន្តិសុខ​មន្ទីរពេទ្យ​បង្អែក​ក្រុង​ប៉ោយ​ប៉ែ​ត​ឃាត់ខ្លួន​ករណី​លួច​ទូរស័ព្ទ​១​គ្រឿង​របស់​អ្នកជំងឺ​ក្នុង​មន្ទីរពេទ្យ​។

ជនសង្ស័យ​ស្រី​រូប​នេះក្រោយ​ឃាត់ខ្លួន​ខាង​មន្ទីរពេទ្យ​បាន​ប្រគល់​ឲ្យ​នគរបាល​ប៉ុស្តិ៍​រដ្ឋបាល​សង្កាត់​ផ្សារ​កណ្តាលប៉ុន្តែ​លោក ព្រិ​ម សុផល នាយ​ប៉ុស្តិ៍​អះអាង​ថាបាន​ដោះ​លែង​វិញ​ហើយ​តាម​សំណូមពរ​ម្ចាស់​ទូរស័ព្ទគឺ​មិន​ប្តឹងហើយ​សុំ​ត្រឹម​អប់រំ​។

ម៉ូតូ​ម៉ាក​ហុងដា​ឌ្រី​មសេ​១២៥ចំនួន​២​គ្រឿងស៊េរី​ឆ្នាំ​២០១៨ និង​១​គ្រឿង​ស៊េរី​ឆ្នាំ​២០១១របស់​អ្នកជំងឺ​ដែល​សម្រាក​ព្យាបាល​​ក្នុង​មន្ទីរពេទ្យ​បង្អែក​ក្រុង​ប៉ោយ​ប៉ែ​តត្រូវ​ចោរ​កាច់​សោក​លួច​ទៅ​បាត់​កាលពី​យប់​ថ្ងៃ​ទី​១២វិច្ឆិកានិង​ម៉ោងជាង​៣​ទៀប​ភ្លឺព្រឹក​ថ្ងៃ​ទី​១៣​នេះ​។

លោក ម៉ា​រិ​ន នាយ​ប៉ុស្តិ៍​រដ្ឋបាល​នគរបាល​សង្កាត់​និមិត្ត​ប្រាប់​តាម​ទូរស័ព្ទ​ថាម៉ូតូ​ម៉ាក​ហុងដា​ឌ្រី​មស៊េរី​ឆ្នាំ​២០១១ដែល​បាត់​នៅ​ក្នុង​មន្ទីរពេទ្យជា​របស់​លោកគឺ​ចោរ​កាច់​សោកយក​ទៅ​បាត់​ខណៈ​លោកចូល​ទៅ​សម្រាក​ព្យាបាល​ជំងឺ​នៅ​ទីនោះ​។

នាយ​ប៉ុស្តិ៍​រូប​នេះ​ប្រាប់​ថានៅ​យប់​ថ្ងៃ​ទី​១២វិច្ឆិកា២០១៩មាន​ម៉ូតូ​ម៉ាក​ហុងដា​ឌ្រី​មស៊េរី​ឆ្នាំ​២០១៨របស់​អ្នក​ជំ​ងឹ​ម្នាក់​ក៏​ត្រូវ​ចោរ​កាច់​សោក​យក​ទៅ​បាត់​ដូច​គ្នា​។

គួរ​បញ្ជាក់​ថាអំពើរ​ចោរកម្ម​នៅ​ក្រុង​ប៉ោយ​ប៉ែ​ត​មួយ​រយៈ​ចុង​ក្រោយ​នេះ​បាន​កើតឡើង​គួរ​ឲ្យ​ព្រួយបារម្ភ​៕