ឪពុកម្តាយទៅធ្វេីកាឆ្ងាយបាត់ទុកអោយកូនតូៗនៅផ្ទះពេលកូនមិននៅបណ្តាលឲ្យមាន​ទុស្សេ​ខ្សែ​ភ្លើង​ឆេះផ្ទះអស់គ្មានសល់សំណាងមិនបង្ករអោយមានគ្រោះដល់ជីវិតក្មេង

ឪពុកម្តាយទៅធ្វេីកាឆ្ងាយបាត់ទុកអោយកូនតូៗនៅផ្ទះពេលកូនមិននៅបណ្តាលឲ្យមាន​ទុស្សេ​ខ្សែ​ភ្លើង​ឆេះផ្ទះអស់គ្មានសល់សំណាងមិនបង្ករអោយមានគ្រោះដល់ជីវិតក្មេង

ទំនាក់ទំនង៖ 077 818 318
ចែករំលែកព័ត៌មានទៅកាន់៖

បន្ទាយមានជ័យ:​ ផ្ទះឈើ២ជាន់ទំហំបណ្តោយ៩ម៉ែត្រទទឹង​៧ម៉ែត្រនិងសម្ភារនៅក្នុងផ្ទះត្រូវបានអគ្គីភ័យឆាបឆេះអស់​ទាំងស្រុងហេតុការណ៍អគ្គីភ័យឆេះផ្ទះនេះបានកើត​ឡើង​នៅវេលាម៉ោង២និង២០នាទីរសៀលថ្ងៃទី២៩ខែវិច្ឆិកា​ឆ្នាំ​២០១៩នៅភូមិកំពង់ថ្កូវឃុំទឹកជោរស្រុកព្រះនេត្រព្រះខេត្តបន្ទាយមានជ័យ។

លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះបានឲ្យដឹងថាម្ចាស់មានឈ្មោះ ឈួន សុផល ភេទប្រុសអាយុ៣៧ឆ្នាំជាប្តីនិងប្រពន្ធឈ្មោះ ហ៊ុត ស្រី អាយុ៣៥​ឆ្នាំមានកូនតូចៗចំនួន៣នាក់ប្តីនិងប្រពន្ធមិនបាននៅផ្ទះនោះទេដោយជាប់ទៅធ្វើការជាកម្មករនៅខេត្តកំពង់សោមដោយ​ទុកផ្ទះឲ្យកូនតូចៗនៅចាំ។

Sponsor

លោកអធិការបានបន្តថានៅពេលកើតហេតុមានអគ្គីភ័យឆាបឆេះផ្ទះនោះកូនគាត់ទាំង៣នាក់ក៏មិនបាននៅផ្ទះដែរមិនដឹងទៅណាអស់ទុកផ្ទះចោល។

ក្រោយភ្លើងឆាបឆេះហើយទើបអ្នកជិតខាងដឹងក៏បានមកផ្ដល់ដំណឹងដល់សមត្ថកិច្ចពេលនោះមានរថយន្តពន្លត់អគ្គីភ័យរបស់អធិការដ្ឋាននគរបាលស្រុកក្រឡាញ​ចំនួន​១គ្រឿងមកសហការនិងរថយន្តពន្លត់អគ្គីភ័យរបស់អធិការដ្ឋាននគរបាលស្រុកព្រះនេត្រព្រះ១គ្រឿងជួយអន្តរាគមណ៍ពន្លត់តែមិនអាចជួយបានដោយគ្រាន់តែបានជួយទប់ស្កាត់មិនអោយរាលដាលទៅផ្ទះអ្នកជិតខាង។

ផ្ទះដែលរងនូវការឆាបឆេះនេះគឺធ្វើអំពីឈើ២ជាន់ប្រក់ស័ង្កសីជញ្ជាំងក្តារសរសរស៊ីម៉ងត៍មានទំហំ៩ម៉ែត្រគុណ​៧ម៉ែត្រនិងសម្ភារនៅក្នុងផ្ទះត្រូវភ្លើងឆេះហ្មត់ទាំងស្រុង។

សមត្ថកិច្ច​បានអោយដឹងថាមូលហេតុបើតាមការសន្និដ្ឋានគឺ បណ្តាលមកពីទុស្សេខ្សែភ្លើងស្របពេលម្ចាស់មិននៅផ្ទះ គ្មានអ្នកណាដឹងទម្រាំអ្នកជិតខាងដឹងភ្លើងឆេះពេញក្រមុំ ហើយ​ផ្ទះឈើមានការឆាបឆេះលឿនផ្លូវឆ្ងាយផងនោះ ទើបមិនអាចជួយសង្រ្គោះទាន់ពេលវេលា៕