ឈេីមួយគោយន្តត្រូវបានកងកម្លាំងអាវុធហត្ថបង្រ្កាបក្រោយពីបានលួចដឹក​ឈើ​ខុស​ច្បាប់

ឈេីមួយគោយន្តត្រូវបានកងកម្លាំងអាវុធហត្ថបង្រ្កាបក្រោយពីបានលួចដឹក​ឈើ​ខុស​ច្បាប់

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ខេត្តរតនគិរី:​ គោយន្ត​កន្ត្រៃ​សណ្ដោង​រ៉ឺម៉ក​មួយ​គ្រឿង​បានលួច​ដឹក​ឈើ​គ្រឿងផ្ទះ​ខុសច្បាប់ត្រូវ​កម្លាំងកងរាជអាវុធហត្ថ​ស្រុក​កូន​មុំ​បង្ក្រាបរឹបអូសប្រគល់ឱ្យជំនាញនៅវេលា​ម៉ោង​៧និង៤០​នាទីថ្ងៃទី​២៨ខែ​វិច្ឆិកាឆ្នាំ​២០១៩​ត្រង់ចំណុច​ផ្លូវលំ​ក្រុមហ៊ុន​ហ័ង​អា​ញ់​យ៉ា​ឡាយ ​(​ក្រុមហ៑ុនវៀតណាម​) ស្ថិតនៅ​ភូមិ​៣ ឃុំ​ស្រែ​អង្គ្រងស្រុក​កូន​មុំខេត្តរតនគិរី​។

ប្រភព​ពី​កម្លាំងកងរាជអាវុធហត្ថ​ខេត្ត​បាន​ឱ្យដឹង​ថាក្នុង​ប្រតិបត្តិការ​ចុះ​ចាប់​គោយន្ត​ដឹក​ឈើ​នោះមានកម្លាំងកងរាជអាវុធហត្ថ​ស្រុកនិង​ស្នាក់​ការ​លេខ​៧៨៩ចំនួន​៧​នាក់ដឹកនាំ​ដោយ លោក​វរសេនីយ៍​ត្រី រស់ វណ្ណា មេបញ្ជាការ​កងរាជអាវុធហត្ថ​ស្រុក​កូន​មុំបាន​ចុះបង្ក្រាប​ជាក់ស្ដែង​គោយន្តកន្ត្រៃដឹក​ផលនុផល​ព្រៃឈើ​ដោយ​គ្មានការអនុញ្ញាតពីជំនាញ។

Sponsor

ការ​បង្ក្រាបនោះ​រឹបអូសបាន​ឈើ​ក្ដារ​ប្រភេទលេខ​២​ចំនួន​១៧៥​សន្លឹកស្មើ​នឹង​២.០៨០០​ម៉ែត្រ​គូបគោយន្ត​កន្ត្រៃ​ភ្ជាប់​រ៉ឺម៉ក​ចំនួន​១​គ្រឿងនិង​ម្ចាស់​គោយន្ត​កន្ត្រៃ​ត្រូវ​បាន​កម្លាំង​អាវុធហត្ថ​ស្រុក​ធ្វើការ​ឃាត់ខ្លួន​និងវត្ថុតាង​ប្រគល់ឱ្យជំនាញ​រដ្ឋបាល​ព្រៃឈើ​ចាត់ការ​បន្ត​តាម​នីតិវិធី​ច្បាប់​ព្រៃឈើ​ផង​ដែរ ​៕