មុខមាត់​ឱពុកម្តាយមិនដឹងជាយកទៅទុកនៅឯណាទេបេីកូនៗមិនចូលរៀនបែជានាំគ្នាទៅបង្ហោះម៉ូតូបង្ករអោយមានភាព​យ៉ាង​អនាធិបតេយ្យ​ត្រូវបានកម្លាំងសមត្ថកិច្ចឃាត់ខ្លួនបាន​ប្រុសស្រី៩នាក់

មុខមាត់​ឱពុកម្តាយមិនដឹងជាយកទៅទុកនៅឯណាទេបេីកូនៗមិនចូលរៀនបែជានាំគ្នាទៅបង្ហោះម៉ូតូបង្ករអោយមានភាព​យ៉ាង​អនាធិបតេយ្យ​ត្រូវបានកម្លាំងសមត្ថកិច្ចឃាត់ខ្លួនបាន​ប្រុសស្រី៩នាក់

ទំនាក់ទំនង៖ 077 818 318
ចែករំលែកព័ត៌មានទៅកាន់៖

បន្ទាយមានជ័យ:​ ក្រុមក្មេងទំនើងមានស្រីមានប្រុសដែល​បានបង្ករភាព​អនាធិបតេយ្យ​នៅក្នុងសង្គមបានបង្ហោះម៉ូតូតាមផ្លូវសាធា​រណៈ​ត្រូវបានលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានដាក់បទបញ្ជាដល់កងកម្លាំងនគរបាលគ្រប់អធិការដ្ឋានស្រុកក្រុងនិងវរសេនាតូចនគរបាលការពារព្រំដែនគោកទាំង៤ត្រូវចាត់​វិធានការបង្រ្កាបឲ្យខាងតែបាន ។

ជាលទ្ធផលនៅល្ងាចថ្ងៃទី១៣ខែធ្នូឆ្នាំ២០១៩កន្លងទៅកម្លាំងនគរបាលក្រុងសិរីសោភ័ណបានធ្វើការបង្រ្កាបក្រុមក្មេង​ទំ​នើងប្រុសស្រីចំនួន០៩នាក់ដែលតែងធ្វើសកម្មភាពបង្ហោះ​ម៉ូតូលើផ្លូវជាតិក្នុងភូមិសាស្ត្រសង្កាត់កោះសត្វក្រុងសិរី​សោភ័ណទៅភូមិសាស្ត្រឃុំប្ញស្សីក្រោកស្រុកមង្គលបូរីខេត្តបន្ទាយមានជ័យ ។

Sponsor

នៅថ្ងៃទី១៤ខែធ្នូឆ្នាំ២០១៩នេះដែរសម្ថកិច្ចបាននាំយកក្មេងដែលធ្វើសកម្មភាពបង្ហោះម៉ូតូប្រុសស្រីទាំ០៩នាក់ធ្វើការអប់រំ និងធ្វើកិច្ចសន្យានៅស្នងការដ្ឋាននគរបាលខេត្តបន្ទាយ​មាន​ជ័យក្រោមការចូលរួមពីលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យរួមទាំងអាណា​ព្យា​បាលឪពុកម្តាយចូលរួមផងដែរ។

តាមការឲ្យដឹងពីលោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណបានឲ្យដឹងថាក្មេងទំនើងទាំង០៩នាក់នេះ មាន ៖ ១/-ឈ្មោះ វ៉ាត គង្គារ ភេទស្រី អាយុ១៦ឆ្នាំអ្នកបង្ហោះម៉ូតូ, ២/-ឈ្មោះ អឿន ណាលីន ភេទស្រី អាយុ១៦ឆ្នាំអ្នកអង្គុយពីក្រោយ ទាំង២នាក់មានទីលំនៅភូមិបត់ត្រង់ ឃុំបត់ត្រង់ស្រុកមង្គលបូរីខេត្តបន្ទាយមានជ័យ ។៣/-ឈ្មោះ ជា សាវ៉ាត់ ភេទប្រុសអាយុ១៥ឆ្នាំអ្នកអង្គុយពីក្រោយ,៤/-ឈ្មោះ ថោង សអាន ភេទប្រុស អាយុ១៧ឆ្នាំអ្នកបង្ហោះម៉ូតូ ទាំង២នាក់មានទីលំនៅភូមិប្រឡាយហ្លួងឃុំប្ញស្សីក្រោក ស្រុកមង្គលបូរី ។៥/-ឈ្មោះទុំ សុពោលពេញ ភេទប្រុស អាយុ១៥ឆ្នាំអ្នកបង្ហោះម៉ូតូនៅភូមិពោធិ២ដើមឃុំរហាត់ទឹក ស្រុកមង្គលបូរីខេត្តបន្ទាយមានជ័យ។៦/- ឈ្មោះ ជីម សុធឿន ភេទប្រុស អាយុ១៧ឆ្នាំ អ្នកបង្ហោះម៉ូតូ នៅភូមិព្រែកល្ពៅឃុំប្ញស្សីក្រោកស្រុកមង្គលបូរីខេត្តបន្ទាយមានជ័យ។៧/-ឈ្មោះ ធួត សៀវចិន ភេទប្រុស អាយុ១៧ឆ្នាំអ្នកបង្ហោះម៉ូតូនៅភូមិអង្គារបុស្សសង្កាត់កោះពងសត្វ ក្រុងសិរីសោភ័ណ,៨/-ឈ្មោះ សោម ច័ន្ទណា ភេទប្រុស អាយុ១៧ឆ្នាំនៅភូមិចំការតាដោកឃុំប្ញស្សីក្រោក អង្គុយពីក្រោយ និង៩/ឈ្មោះ កាំង ឆេនអាង ភេទប្រុស អាយុ១៦ឆ្នាំអ្នកបើកម៉ូតូបង្ហោះនៅភូមិប្រឡាយហ្លួងឃុំប្ញស្សីក្រោកស្រុកមង្គលបូរី ។

មានប្រសាសន៍នាឱកាសនោះ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានសំដែងនូវការសោកស្តាយ ចំពោះសកម្មភាពរបស់ក្មួយៗទាំងនេះ ដែលជាទំពាំងស្នងប្ញស្សី សម្រាប់ប្រទេសជាតិ បែរជានាំគ្នាយកពេលវេលាដ៏មានតម្លៃទៅធ្វើអំពើអបាយមុខ មិនគប្បីដែលសង្គមគេស្អប់ខ្ពើម ។ដែលគួរណាស់តែក្មួយៗ ចៅៗយកពេលវេលាទៅសិក្សារៀនសូត្រ ឬក៏ជួយកិច្ចការ​ងារឪពុកម្តាយនៅផ្ទះ ។ជាមួយគ្នានោះដែរ លោកឧត្តមសេនីយ៍ស្នងការ ក៏បានបញ្ជាក់ថា ៖ ទន្ទឹមនឹងសមត្ថកិច្ចធ្វើការអប់រំនោះ ក៏សូមឲ្យឪពុក ម្តាយ ឬ អាណាព្យាបាល ត្រូវតែយកចិត្តទុកដាក់ តាមដានពីសកម្ម​ភាពកូនចៅរបស់ខ្លួនជាមុនសិន បន្ទាប់មកលោកគ្រូ អ្នកគ្រូ ដែលជាអាណាព្យបាលទី២។ក្នុងនោះដែរ លោកឧត្តមសេនីយ៍ទោ អាត់ ខែម បានណែនាំដល់ក្មួយប្រុស ស្រី ទាំង០៩នាក់ មិនត្រូវប្រព្រឹត្តនូវសកម្ម​ភាពណាមួយដែលសង្គមស្អប់ខ្ពើម គឺត្រូវនៅឲ្យឆ្ងាយពីគ្រឿងញៀន គោរពច្បាប់ចរាចរណ៍ ត្រូវធ្វើជាកូនល្អ មិត្តល្អ និងសិស្សល្អ និងត្រូវខិតខំរៀនសូត្រ ដើម្បីយកចំណេះដឹងកសាងសង្គមគ្រួសារ និងប្រទសជាតិឲ្យមានការរីកចម្រើន ។

ក្រោយពីលោកឧត្តមសេនីយ៍ស្នងការបានធ្វើការអប់រំណែនាំ ហើយក្មេងទំនើងប្រុស ស្រី ទាំង០៩ នាក់ បានធ្វើកិច្ចសន្យា និងបញ្ឈប់មិនឲ្យមានមុខជាលើកទី២ទៀត មិនដូច្នោះទេ និងអនុវត្តតាមវិធានការរដ្ឋបាល រួចមកក៏បានប្រគល់ជូនឪពុក ម្តាយ និងអាណាព្យាបាល យកទៅធ្វើការអប់រំបន្ត៕