បាក់ផ្ទាំងថ្មធំៗនៅភ្នំទ្រង់បាតបណ្តាលអោយធ្លាក់មកសង្កត់លេីរថយន្ត​កងវិស្វកម្មរបស់ឧកញ៉ា​ សៀង​ ណាំ ដែលកំពុងតែយកគ្រឿងចក្រជីកបុកបំផ្លាញភ្នំយកថ្មសង្ស័យស្លាប់នៅក្នុងកាប៊ិន

បាក់ផ្ទាំងថ្មធំៗនៅភ្នំទ្រង់បាតបណ្តាលអោយធ្លាក់មកសង្កត់លេីរថយន្ត​កងវិស្វកម្មរបស់ឧកញ៉ា​ សៀង​ ណាំ ដែលកំពុងតែយកគ្រឿងចក្រជីកបុកបំផ្លាញភ្នំយកថ្មសង្ស័យស្លាប់នៅក្នុងកាប៊ិន

ទំនាក់ទំនង៖ 077 818 318
ចែករំលែកព័ត៌មានទៅកាន់៖

សៀមរាប​: ប្រជាពលរដ្ឋបានរាយការណ៍អោយដឹងថានៅ​ព្រឹក​ថ្ងៃទី២០ខែធ្នូឆ្នាំ២០១៩នេះ​មានករណីបាក់ថ្មភ្នំជាច្រើនដុំ​បានបាក់សង្កត់មកលើរថយន្តកងវិស្វកម្មរបស់ឧកញ៉ាសៀងណាំដែល​កំពុងតែយកគ្រឿងចក្រជីកបុកបំផ្លាញភ្នំយកថ្មស្ថិតនៅភ្នំទ្រង់បាតក្នុងស្រុកក្រឡាញ់ខេត្តសៀមរាប។

ហេតុការណ៍នេះគេមិនត្រូវបានដឹងថាតៃកុងរថយន្តនោះស្លាប់ឬរស់យ៉ាងណានោះទេខណ:ដែលកម្លាំងខាងកងវិស្វ​កម្មរបស់ឧកញ៉ា សៀង ណាំ បានយកតង់មកគ្របជិតទៅ​លើកាប៊ីនរថយន្តដែលកំពិតខ្ទេចមិនអោយឃើញនោះឡើយ។

Sponsor

ករណីនេះអ្នកព័ត៌មានត្រូវបានគេរារាំងមិនអោយថតយកទិដ្ឋភាពបាននោះទេ។

ប្រជាពលរដ្ឋបានលើកឡើងថាជឿឬក៏មិនជឿនោះដែលពួកគេសង្ស័យអ្នកតាភ្នំទ្រង់បាតទំនងជាខឹងសម្បារសម្តែងរិទ្ធ មិនចង់អោយមានការបំផ្លាញសម្បត្តិធម្មជាតិបន្តទៀតនោះ ទើបសម្តែងរិទ្ធអោយបាក់ថ្មជាច្រើនផ្ទាំងមកលើរថយន្តដែលកំពុងធ្វើសកម្មភាពដឹកជញ្ជូនអស់ថ្មភ្នំពួកគាត់មានជំនឿថានេះពិតជាកម្មពារហើយទើបបណ្តាលទៅជាយ៉ាងហ្នឹង។

មហាជនបានលើកឡើងថាភ្នំទ្រង់បាតជាសម្បត្តិធម្មជាតិ ដែលត្រូវតែគួរបានអភិរក្សប៉ុន្តែបច្ចុប្បន្នកំពុងរងនូវការបំផ្លេចបំផ្លាញដោយមានសុទ្ធតែគ្រឿងចក្រធំៗបុកគាស់ក៏កាយនិងវាយបំផ្លាញទ្រង់ទ្រាយដើមស្ទើរទាំងស្រុងខណៈអាជ្ញាធរមិន​បាន​យកចិត្តទុកដាក់ក្នុងការថែរក្សាភ្នំទ្រង់បាតនេះ ។

ពាក់ព័ន្ធទៅនឹងមតិរិះគន់ខាងលើខាងសារព័ត៌មានមិនទាន់អាចទំនាក់ទំនងសុំការបំភ្លឺណាពីលោកឧកញ៉ា សៀង ណាំ នៅសៀលថ្ងៃទី២០ខែធ្នូឆ្នាំ២០១៩នេះ ៕