ក្រុមអាជីវករដែលប្រកបរបរលក់ដូរនៅខាងក្រៅផ្សារ​ស្ទឹងសែនផ្ទុះកំហឹងរឿងសាលាក្រុងចាប់យកទំនិញនិងអីវ៉ាន់ពួកគាត់ជាង១ខែហេីយមិនព្រមប្រគល់អោយវិញ

ក្រុមអាជីវករដែលប្រកបរបរលក់ដូរនៅខាងក្រៅផ្សារ​ស្ទឹងសែនផ្ទុះកំហឹងរឿងសាលាក្រុងចាប់យកទំនិញនិងអីវ៉ាន់ពួកគាត់ជាង១ខែហេីយមិនព្រមប្រគល់អោយវិញ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

កំពង់ធំ:​ ប្រជាពលរដ្ឋមានកាខឹងទៅលេីសាលាក្រុង​ស្ទឹង​សែនដែលបានចាប់​យក​ឥ​វ៉ា​ន់លក់ដូររបស់ពួកគាត់ដែលនៅខាងក្រៅផ្សារ​តាំងពី​ថ្ងៃ​ទី​០៧ វិច្ឆិកាមក​រហូត​មក​ដល់​ថ្ងៃ​ទី​២៣​​ធ្នូឆ្នាំ​២០១៩នេះរយៈ​ពេល​ជាង​១​ខែ​មក​ហើយនៅ​មិន​ទាន់​ប្រគល់​ឲ្យ​វិញ​នោះ​ទេដែល​​ជា​ហេតុ​ធ្វើ​ឲ្យ​សម្ភា​រ​មួយ​ចំនួន​របស់​​ត្រូវ​រលួយ​ខូច​អស់​ពួក​គាត់​ឆ្ងល់​ណាស់​ថាចាប់​យក​ទៅ​ទុក​រាប់​ខែ​មិន​ព្រម​ប្រគល់​ឲ្យ​មក​ពួក​គាត់​វិញ​យ៉ាង​ដូច្នេះ? ឬ​មួយ​ក៏​សម្ភា​រដែល​បាន​ចាប់​យក​ទៅ​នោះត្រូវ​រសាត់​បាត់​អស់​ទៅ​ហើយ?

ពាក់ព័ន្ធ​ជុំវិញ​បញ្ហា​ខាងលើ​នេះលោក គង់ វុ​ទ្ធី នាយក​រដ្ឋបាល​បាន​សាលាក្រុង​ស្ទឹង​សែន​បាន​ប្រាប់ភ្នាក់​ងារ​សារ​ព័​ត៌​​តាម​ទូរស័ព្ទ​នៅ​ព្រឹក​ថ្ងៃ​ទី​២៣ធ្នូនេះថាកាលពី​ថ្ងៃ​ទី​០៧ ​វិច្ឆិកាឆ្នាំ​២០១៩លោក​បាន​ដឹកនាំ​កម្លាំង​ចម្រុះ​ចុះ​រៀបចំ​ស​ណ្តាប់ធ្នាប់​ជុំវិញ​ផ្សារ​កំពុងធំរយៈ​ពេល​មួយ​ព្រឹកជំនួស​មុខ​ឲ្យ​លោក ពេញ កែម អភិ​បាល​រង​ក្រុង​ស្ទឹង​សែន​ទទួល​បន្ទុក​ខាង​ផ្សារក្នុង​នោះ​ក៏​បាន​ដកហូត​យក​សម្ភា​រ​របស់​បងប្អូន​អាជីវករ​ច្រើន​នាក់យក​មក​រក្សា​ទុក​នៅ​សាលាក្រុងនិង​បាន​ប្រគល់​ឲ្យ​ទៅ​ខាង​លោក​អភិបាលរង ពេញ កែម រួច​អស់​ហើយ ។

Sponsor

ចំណែក​រឿង​ប្រគល់​សម្ភា​រ​ដែល​ចាប់​មក​នោះ​ឲ្យ​ទៅ​ខាង​អាជីវករ​វិញ​ពេល​ណា​នោះស្ថិត​នៅ​លើ​លោក​អភិបាលក្រុង​ទើប​មាន​សិទ្ធ​សម្រេច​!នៅ​ក្នុង​បញ្ហា​នេះ​លោក ពេញ កែម ដែល​ជា​អភិបាលរង​ក្រុង​ស្ទឹង​សែន​ទទួល​បន្ទុក​ខាង​រៀបចំ​សណ្តាប់ធ្នាប់​ផ្សារលោក​បាន​ប្រាប់​តាម​ទូរស័ព្ទ​នៅ​ព្រឹក​ថ្ងៃ​ទី​២៣ខែធ្នូថាជុំវិញ​បញ្ហា​ចាប់​យក​សម្ភា​ររបស់​បងប្អូន​អាជីវករ​ នៅ​ក្នុង​ការ​រៀបចំ​សណ្តាប់ធ្នាប់​ផ្សារ​កំពង់ធំ​ខាងលើ​នេះ យោង​តាម​គោលការណ៍​​​ក្រុងគឺ​មិន​ប្រគល់​សម្ភា​រ​ជូន​គាត់​វិញ​ទេហើយ​ទ្រព្យសម្បត្តិ​ដែល​ចាប់​មក​ទាំង​អស់នោះត្រូវ​បាន​ទុកជា​របស់​សាលាក្រុង​ស្ទឹង​សែន ។

ចំណែក​លោក ម៉ាក់ ប៊ុ​ន​ហុង អភិបាលក្រុង​ស្ទឹង​សែនបាន​មាន​ប្រសាសន៍​ប្រាប់តាម​ទូរស័ព្ទ​នៅ​ព្រឹក​ថ្ងៃ​ដដែល​នេះ​ថា​ បញ្ហា​រឿង​ចាប់​យក​សម្ភា​រ​របស់​បងប្អូន​អាជីវករ​យក​មក​រក្សា​ទុក​នេះរយៈ​ពេល​ជាង​១​ខែ​មក​ហើយដោយសារ​តែ​លោក​ជាប់រវល់​មមា​រញឹក​ក្នុង​ការងារ​ពេកទើប​ធ្វើ​ឲ្យ​ខកពេល​យូរ សា​លាក្រុង​នឹង​ប្រគល់​ជូន​សម្ភា​រទាំង​អស់នោះ​ជូន​ពួក​គាត់​វិញក្នុង​ពេល​ឆាប់​ៗ​នេះដោយ​គ្រាន់តែ​តម្រូវ​ឲ្យ​ពួក​គាត់​ធ្វើ​កិច្ចសន្យា​ជាមួយនឹង​សាលាក្រុងសូមកុំ​ឲ្យ​ដាក់​តាំង​ទំនិញ​លក់ដូរ​ហូរហៀរមក​លើ​ចំណី​ផ្លូវ​តទៅ​ទៀត​តែ​ប៉ុណ្ណោះដែល​ជា​ហេតុ​ធ្វើ​ឲ្យ​បាត់បង់​សណ្តាប់ធ្នាប់សោភ័ណ​ភាពនិង​សេចក្តី​ថ្លៃថ្នូរក៏​ដូច​ជា​មុខមាត់​របស់​ក្រុង​ស្ទឹង​សែនខេត្តកំពង់ធំដើម្បី​ចូលរួម​ចំណែក​ក្នុង​ការ​ប្រឡង​ប្រ​ណ្តាំ​ងទីក្រុង​ស្អាតហើយ​សាលាក្រុង​ស្ទឹង​សែន​ក៏​គ្មាន​បំណង​ចាប់​យក​សម្ភា​រះ​របស់​អាជីវករ​យក​មក​ធ្វើ​ជា​កម្ម​សិទ្ធ​របស់​សាលាក្រុង​នោះ​ទេ​៕