សំណង់អាគារមានវ័យជិត១០០ឆ្នាំទៅហេីយអាជ្ញាធរស្មេីរសុំអោយ១២​គ្រួសារចាកចេញនិងរកកន្លែងស្នាក់​នៅ​បណ្តោះអសន្នសិនព្រោះវានិងអាចបាក់រលំនៅថ្ងៃណាមួយតែ​មិនព្រម​

សំណង់អាគារមានវ័យជិត១០០ឆ្នាំទៅហេីយអាជ្ញាធរស្មេីរសុំអោយ១២​គ្រួសារចាកចេញនិងរកកន្លែងស្នាក់​នៅ​បណ្តោះអសន្នសិនព្រោះវានិងអាចបាក់រលំនៅថ្ងៃណាមួយតែ​មិនព្រម​

ទំនាក់ទំនង៖ 077 818 318
ចែករំលែកព័ត៌មានទៅកាន់៖

កំពង់ឆ្នាំង​:​ អាជ្ញាធរ​ក្រុង​កំពង់ឆ្នាំងបាន​ដាក់​កំណត់​ឱ្យ​ប្រជាពលរដ្ឋ​១២​គ្រួសារដែល​កំពុង​រស់នៅ​ផ្ទះល្វែង​ដែល​បានក​សាង​ក្នុង​ឆ្នាំ​១៩៣១នៅ​ចំណុច​ផ្សារឆ្នាំងចាក់ចេញ​ជា​បន្ទាន់ ព្រោះតែ​សំណង់ផ្ទះ​លែ្វ​ងដែល​សាងសង់​ក្នុង​សម័យ​អាណា​និគម​ន៍​បារាំង​មាន​សភាព​ទ្រុឌ​ទ្រោមក្រែង​កើត​មាន​គ្រោះថ្នាក់​ថ្ងៃ​ណាមួយ​ជាយថាហេតុតែពួកគាត់មិនព្រមចេញពីទីតាំងនេះបេីគិតទៅអស់រយះពេល៧ខែហេីយដែលបាន​ចេញសេក្តីជួនដំណឹង។

សេចក្តីរាយការណ៍​បន្ត​ថាប៉ុន្តែ​រហូត​មក​ដល់​ពេល​នេះប្រជាពលរដ្ឋ​ទាំង​១២​គ្រួសារ​នៅ​មិន​ទាន់​ចាកចេញ​អស់​នៅឡើយ​ទេយ៉ាងនេះ​ក្តីអាជ្ញាធរ​ក្រុង​កំពង់ឆ្នាំងក៏​មិនដឹង​ធ្វើ​ម្តេច​ដែរ ព្រោះតែ​ពួក​គាត់​អះអាង​ថាជា​កម្មសិទ្ធិ​របស់​គាត់តែ​ពួក​គាត់​គ្មាន​លទ្ធភាព​ធ្វើ​ថ្មី​បាន ។

Sponsor

សូម​រំ​ឮ​កថាយោង​តាម​សេចក្តីជូនដំណឹង​របស់​រដ្ឋបាល​សាលាក្រុង​កំពង់ឆ្នាំងបាន​ជូនដំណឹង​ដល់​ប្រជាពលរដ្ឋ​ដែល​កំពុង​រស់នៅ​លើ​សំណង់​អគារ​លេខ​១៣​ល្វែងចាប់ពី​អគារ​លេខB134ដល់​B147ដែល​មាន​ប្រជាពលរដ្ឋ​១២​គ្រួសារ​កំពុង​រស់នៅបាន​បញ្ជាក់​ថាតាម​មន្ត្រី​ជំនាញ​ដែល​​បាន​ចុះ​ធ្វើការ​សិក្សា​ស្រាវជ្រាវ​នៅ​អគារ​ខាងលើ​នេះអាច​នឹង​បាក់​ស្រុត រលំ​នៅ​ថ្ងៃ​ណាមួយ​ជា​មិន​ខានព្រោះតែ​អគារ​នេះ​មាន​អាយុកាល​ប្រមាណ​ជិត​១០០​ឆ្នាំទៅ​ហើយថែម​ទាំង​មាន​សភាព​ពុក​ផុយ​ដោយ​កន្លែង​ទៀត​ផង ។

ហេតុនេះ​ហើយ​សូម​បងប្អូន​ប្រជាពលរដ្ឋដែល​កំពុង​តែ​ស្នាក់​នៅ​ត្រូវ​ចាកចេញដោយ​មិន​ត្រូវ​ដេកមិន​ត្រូវ​ចូល​ជ្រកឬ​សម្រាក​ឡើយនិង​សូម​ផ្អាក​ធ្វើ​អាជីវកម្ម​លក់ដូរ​ចាប់ពី​ថ្ងៃ​ទី​២៨​ខែមិថុនាឆ្នាំ​២០១៩តទៅក៏​ប៉ុន្តែ​គិត​មក​ដល់​ពេល​នេះ​ជាង​៧​ខែ​ទៅ​ហើយប្រជាពលរដ្ឋ​ទាំងនោះ​នៅ​មិន​ទាន់​ចាកចេញ​នៅឡើយ​ទេ ។

អភិបាលក្រុង​កំពង់ឆ្នាំងលោក យិ​ន សា​វ៉េ​ន កាលពី​រសៀល​ថ្ងៃ​ទៅ​២៨មក​រា២០២០បាន​ប្រាប់​ភ្នាក់ងារ​យើង​តាម​ទូរស័ព្ទ​ថា រដ្ឋបាល​សាលាក្រុង​កំពង់ឆ្នាំងបាន​ជូនដំណឹង​ដល់​អ្នក​រស់នៅ​លើ​ផ្ទះល្វែង​ដែល​មាន​អាយុកាល​ដ៏​ចំណាស់​នេះ​ហើយប៉ុន្តែ​បើ​ប្រជាពលរដ្ឋ​មិន​ព្រម​ចេញលោក​មិនដឹង​ធ្វើ​ម៉េច​ដែរបើ​មាន​គ្រោះថ្នាក់​សូមកុំ​បន្ទោស​អាជ្ញាធរព្រោះ​អាជ្ញាធរ​បាន​ជូនដំណឹង​ដល់​ពួក​គាត់​រួច​ហើយ ។

យ៉ាងនេះ​ក្តី​តាម​រយៈ​ប្រព័ន្ធ​ផ្សព្វផ្សាយលោក​នៅ​តែ​អំពាវនាវ​ជា​ថ្មី​ដល់​ប្រជាពលរដ្ឋ​កំពុង​ស្នាក់​នៅ​ក្នុង​អគារ​ខាងលើ​នេះ សូម​មេត្តា​ចាកចេញ​រក​កន្លែង​ស្នាក់​នៅ​បណ្តោះអសន្នហើយ​​សហការ​គ្នា​វាយ​អគារ​ចាស់​ចោលរួច​ធ្វើ​អគារ​ថ្មី​ជា​កម្មសិទ្ធិ​ផ្ទាល់ខ្លួន​ចុះព្រោះ​ក្នុង​ចំណោម​ផ្ទះ​ទាំង​១៣​ល្វែងមាន​មួយ​ភាគ​ជា​អគារ​របស់​រដ្ឋដែល​អាជ្ញាធរ​ខេត្ត​ទើប​សុំ​កាត់​ចេញពី​បញ្ជីសារពើភ័ណ្ឌ​រួច​ហើយ​ដែរដើម្បី​ប្រគល់​ជូន​អ្នក​ដែល​បាន​កាន់កាប់​តាំងពី​ដើម​មក ។

គួរ​រំលឹក​ដែរ​ថាអគារ​ផ្ទះល្វែង​១៣​ល្វែង​ខាងលើ​នេះគឺ​កសាង​សម័យ​អាណានិគមនិយម​បារាំង​ក្នុង​ឆ្នាំ​១៩៣១មក​ដល់​ពេល​នេះ​មាន​អាយុកាល​៨៩​ឆ្នាំ​ហើយកំពុង​មាន​សភាព​ទ្រុឌទ្រោម​ជា​ខ្លាំង​៕