ស្រលាញ់ស្ងួនស្ទេីលេបតែហេតុអីបានជាប្រពន្ធដាច់ចិត្តរត់​ចោលបងទៅរកប្រុសថ្មីបងទ្រាំមិនបានឡេីងលេីសងសន្ទួចសំរាប់ស្ទួចអីវ៉ាន់នៅក្នុងកាដ្ឋានបំរុងលោតសម្លាប់ខ្លួនត្រូវសមត្ថកិច្ចលួងលោមក៏ចុះមកវិញ

ស្រលាញ់ស្ងួនស្ទេីលេបតែហេតុអីបានជាប្រពន្ធដាច់ចិត្តរត់​ចោលបងទៅរកប្រុសថ្មីបងទ្រាំមិនបានឡេីងលេីសងសន្ទួចសំរាប់ស្ទួចអីវ៉ាន់នៅក្នុងកាដ្ឋានបំរុងលោតសម្លាប់ខ្លួនត្រូវសមត្ថកិច្ចលួងលោមក៏ចុះមកវិញ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ភ្នំពេញ:​ បុរស​ម្នាក់​បានតូចចិត្ត​រឿងប្រពន្ធ​ជាទី​ស្រឡាញ់​ស្មើរ​ជីវិតបែរជា​ដាច់​ចិត្ត​ផិតក្បត់​ទៅ​មាន​ប្រុស​ថ្មី​ចោល​រូប​គាត់ក៏​សម្រេច​ចិត្ត​រត់ឡើង​លើ​ដងសន្ទូច​សម្រាប់​ស្ទូច​សម្ភារៈ​សំណង់​នៅ​ការដ្ឋាន​សំណង់​មួយ​កន្លែង​ប៉ុនប៉ង​លោត​ទម្លាក់​ខ្លួន​ពីលើ​ចុះប៉ុន្តែ​មិន​សម្រេចដោយសារ​កម្លាំង​នគរបាល​ប៉ុស្តិ៍​ចោម​ចៅ​លួងលោម​ឲ្យ​ចុះ​មក​វិញបង្ក​ឲ្យ​ឲ្យ​មានការ​ភ្ញាក់​ផ្អើល​កាលពី​ម៉ោង​៧​និង​៤៥​នាទី​ព្រឹកថ្ងៃ​ទី​២៩ខែមករាឆ្នាំ​២០២០នៅ​ចំណុច​ការដ្ឋាន​សំណង់​ស្ពាន​អាកាស​រង្វង់​មូល​ថ្នល់បំបែក​ចោម​ចៅស្ថិត​ក្នុងភូមិ​ព្រៃ​ជី​សាក់សង្កាត់​ចោម​ចៅ​ទី​៣ខណ្ឌ​ពោធិ៍​សែន​ជ័យ រាជធានីភ្នំពេញ​។

បុរស​ខាងលើ​នេះឈ្មោះ សា​រុន ឈី​ត អាយុ​៣១​ឆ្នាំមុខរបរ​ជា​កម្មករ​សំណង់ស្នាក់​នៅ​ការដ្ឋាន​សំណង់​ក្នុង​បុរី​អ័​រ​គី​ដេ សង្កាត់​អូរ​បែក​ក្អមខណ្ឌ​សែន​សុខរាជធានី​ភ្នំពេញនិង​មានស្រុក​កំណើត​នៅ​ក្នុងភូមិ​ស្វាយ​សុ​ខោសង្កាត់​ជើង​ទឹកខេត្តព្រៃវែង​។

Sponsor

បើ​តាម​បុរស​រូប​នេះ​បាន​ប្រាប់​ថាគាត់​មាន​បំណង​ចង់​លោត​ទម្លាក់​ខ្លួន​ពីលើ​ដងសន្ទូច​ខាងលើដើម្បី​បញ្ចប់ជីវិត​ឱ្យ​ផុតរលត់​ពីលើ​លោក​នេះដោយសារ​តែ​តូចចិត្ត​ទៅ​នឹង​រឿង​ប្រពន្ធ​ផិតក្បត់​ទៅ​មាន​ប្រុស​ថ្មី​ចោល​គាត់​។

បុរស​នេះ​ប្រាប់​បន្ត​ទៀត​ថាកាលពី​ពេល​កន្លង​ទៅគាត់​បាន​ទៅ​ធ្វើការ​នៅ​ឯ​ប្រទេស​ថៃ​ហើយ​បាន​មាន​ប្រពន្ធ​ជា​ជនជាតិ​ខ្មែរ​នៅ​ទីនោះនិង​បាន​រួម​រស់នៅ​យ៉ាង​កំសត់កម្រ​ជាមួយ​គ្នា រហូត​បង្កើត​បានកូន​ស្រី​២​នាក់​ថែម​ទៀត​ផង ។

ប៉ុន្តែ​ក្រោយមកស្រាប់តែ​ក្ដី​ស្រឡាញ់​និង​ភាព​ផ្អែមល្ហែម​បាត់​អស់ដោយសារ​ប្រពន្ធ​មានចិត្ត​សាវា​ផិតក្បត់​លួចលាក់​មាន​ប្រុសនិង​បាន​រត់​តាម​ប្រុស​ថ្មី​ចោល​គាត់​បាត់ ។

បុរស​រូប​នេះ​បន្ត​ថាដោយសារ​តែ​មានរឿង​ដ៏​គួរ​ឲ្យ​ឈឺចាប់​បែប​នេះ​ហើយទើប​ធ្វើ​ឲ្យ​គាត់​តូចចិត្ត​យ៉ាង​ខ្លាំងរហូត​លែង​ចង់​រស់នៅ​តទៅ​ទៀតក៏​បាន​ឡើង​ទៅ​លើ​ដងសន្ទូច​ខាងលើ​បម្រុង​លោត​ទម្លាក់​ខ្លួនប៉ុន្តែ​មិន​ដាច់​ចិត្តដោយសារ​តែ​នគរ​បាល​ស្រែក​ឲ្យ​ចុះទើប​គាត់​ចុះ​មក​វិញ​។

តាម​ប្រភព​ពី​អ្នក​ឃើញ​ហេតុការណ៍​បានឱ្យ​ដឹង​ថានៅ​មុន​ពេល​កើតហេតុគេ​បានឃើញ​បុរស​រូប​នេះ​ដើរ​នៅ​ក្បែរ​ការដ្ឋាន​សំណង់​ស្ពាន​អាកាស​រង្វង់​មូល​ថ្នល់បំបែក​ចោម​ចៅ បន្ទាប់​មក​ក៏​ស្ទុះ​រត់ឡើង​ទៅ​លើ​ដងសន្ទូច​សម្រាប់​ស្ទូច​យោង​សម្ភារៈ​សំណង់​នោះ​យ៉ាង​លឿន​ពេល​ឃើញ​បែប​នេះក្រុម​ជាង​ដែល​ស្ថិត​នៅ​លើ​ដងសន្ទូច​នោះ​បាន​ស្រែក​ឲ្យ​ចុះព្រោះ​ខ្លាច​ធ្លាក់ប៉ុន្តែ​បុរស​នេះ​មិន​ព្រម​ចុះ​ឡើយ​ដែល​ជា​ហេតុ​បង្ក​ឲ្យ​មានការ​ភ្ញាក់ផ្អើល​យ៉ាង​ខ្លាំង​តែ​ម្តង​។

ប្រភព​ដដែល​បន្ត​ថាលុះ​រហូត​ដល់​កម្លាំង​នគរបាល​ចរាចរណ៍​ផ្លូវគោក​នៃ​ស្នងកា​ដ្ឋា​ន​នគរបាល​រាជធានី​ភ្នំពេញ​នគរបាល​ប៉ុស្តិ៍​ចោម​ចៅក៏​បាន​ចុះ​ទៅ​លួងលោម​ទើប​ព្រម​ចុះបន្ទាប់​មក​នគរ​បាល​បាន​នាំ​បុរស​នេះ​ទៅ​សួរនាំ​នៅ​ប៉ុស្តិ៍​ដឹង​រឿង​ហើយ រួច​បាន​ប្រគល់​បុរស​នេះ​ទៅ​ឲ្យ​បងប្អូន​នាំ​យក​ត្រឡប់​ទៅ​វិញ​៕