អ្នកប្រម៉ាញ់សត្វស្វាកន្ទុយ​ ស​ ម្នាក់ត្រូវបានចៅក្រមសេីប​សួរសាលាដំបូងខេត្តសម្រេចឃុំខ្លួនក្រោយពីបានបាញ់សត្វស្វារងាប់ហេីយដឹកតាមម៉ូតូ

អ្នកប្រម៉ាញ់សត្វស្វាកន្ទុយ​ ស​ ម្នាក់ត្រូវបានចៅក្រមសេីប​សួរសាលាដំបូងខេត្តសម្រេចឃុំខ្លួនក្រោយពីបានបាញ់សត្វស្វារងាប់ហេីយដឹកតាមម៉ូតូ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

មណ្ឌលគិរី: បុរសម្នាក់​ដែលជាព្រានព្រៃ​ប្រមាញ់​សត្វ​ស្វា​កន្ទុយ​ ស​ ត្រូវ​បាន​ចៅក្រម​ស៊ើបសួរ​សាលាដំបូង​ខេត្តមណ្ឌលគិរីបាន​សម្រេច​ឃុំខ្លួន​កាលពី​ថ្ងៃ​ទី​២ខែកុម្ភៈឆ្នាំ​២០២០​នេះ​ហើយ ។

សេចក្តីរាយការណ៍​បាន​ឲ្យ​ដឹង​ថាបុរស​ម្នាក់​ពាក់ព័ន្ធ​ករណី​បរបាញ់​សត្វ​ស្វា​កន្ទុយ​ ស​ ​ខាងលើ​នេះគឺជា​បទល្មើស​ធន​ធានធម្មជាតិ​ថ្នាក់​ទី​៣តាម​បញ្ញត្តិ​នៃ​ច្បាប់​ស្ដី​ពី​តំបន់ការពារធម្មជាតិនិង​បទ​កាន់កាប់​អាវុធ​ដោយ​ខុសច្បាប់​តាម​មាត្រា​៤៩០ នៃ​ក្រមព្រហ្មទណ្ឌ​។

Sponsor

សេចក្តីរាយការណ៍​បន្ត​ថាជន​ត្រូវ​ចោទ​ខាងលើ​នេះឈ្មោះ លី ឯក ភេទ​ប្រុសអាយុ​៣៥​ឆ្នាំមាន​ទីលំនៅ​បច្ចុប្បន្ន​រស់នៅ​ភូមិ​ជើង​ឃ្លេ ឃុំ​២​ធ្នូ ស្រុក​ស្នួល ខេត្តក្រចេះ ត្រូវ​បាន​មន្ត្រី​ឧ​ទ្យា​នុ​រក្ស​ដែន​ជម្រកសត្វព្រៃ​កែវ​សីមាចាប់​ឃាត់ខ្លួន​បានជា​មួយ​វត្ថុ​តាង​ជាក់ស្ដែងខណៈ​ជន​នេះ​បាន​បាញ់​សត្វ​ស្វា​កន្ទុយ​.​ស​១​ក្បាល (​ងាប់​) រួច​ដឹក​តាម​ម៉ូតូកាលពី​ថ្ងៃ​ទី​៣១ខែមករាឆ្នាំ​២០២០នៅ​ត្រង់​ចំណុច​​ភ្នំ​ស្រឡៅស្ថិត​ក្នុងភូមិ​ពូ​ហ្សា​មឃុំ​សែន​មនោ​រម្យស្រុក​អូរ​រាំងខេត្តមណ្ឌលគិរីក្នុង​ដែន​ជម្រក​សត្វព្រៃ​កែវ​សីមា​។

បច្ចុប្បន្ន​សំណាក​សត្វ​ស្វា​កន្ទុយ​.​សត្រូវ​បាន​ដុត​កម្ទេចរីឯ​វត្ថុ​តាង​ជាក់ស្ដែង(​ម៉ូតូ​១​គ្រឿង​និង​អាវុធ​១​ដើម​)ត្រូវ​បាន​រក្សា​ទុក​បណ្ដោះអាសន្ន​នៅ​ស្នាក់​ការ​ដែនជម្រកសត្វព្រៃ​កែវ​សីមា ចំណែក​ជនជាប់ចោទ​ត្រូវ​បាន​ឃុំខ្លួន​ដាក់​ពន្ធនាគារ​៕