បទល្មេីសព្រៃឈេីនៅតែជាចំណោទមិនអាចបង្ក្រាបបានសំរាប់ឈ្មួញរកសុីធំៗបង្ក្រាបបានតែក្រុមអ្នកកាប់អុសយក​ទៅធ្វេី​ធ្យូង​ដោះស្រាយជីវភាពតែប៉ុណ្ណោះតេីលោកនាយឧត្តមសេនីយ៍​ សៅ​ សុខា​ អគ្គមេបញ្ជាការ​រងកងយោធពលខេមរភូមិន្ទនិងជាមេ​បញ្ជាការ​កងរាជអាវុហត្ថលេីផ្ទៃប្រទេសបានជ្រាបទេ

បទល្មេីសព្រៃឈេីនៅតែជាចំណោទមិនអាចបង្ក្រាបបានសំរាប់ឈ្មួញរកសុីធំៗបង្ក្រាបបានតែក្រុមអ្នកកាប់អុសយក​ទៅធ្វេី​ធ្យូង​ដោះស្រាយជីវភាពតែប៉ុណ្ណោះតេីលោកនាយឧត្តមសេនីយ៍​ សៅ​ សុខា​ អគ្គមេបញ្ជាការ​រងកងយោធពលខេមរភូមិន្ទនិងជាមេ​បញ្ជាការ​កងរាជអាវុហត្ថលេីផ្ទៃប្រទេសបានជ្រាបទេ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

រតនគីរី​: នេះជាសកម្មភាពរបស់មេឈ្មួញកាប់បំផ្លាញព្រៃឈេី​ឈ្មោះ​ ណុប ណាក់ ហៅណាក់ក្បាលធំកំពុងធ្វើឲ្យព្រៃឈើនៅតំបន់ឧទ្យានជាតិវីរៈជ័យកន្ទុយនាគក្នុងស្រុកតាវែង និងស្រុកអណ្តូងមាសខេត្តរតនគិរីត្រូវប្រឈមនឹងសេចក្តី​វិនាសប្រភពពីមន្ត្រីកងរាជអាវុធហត្ថនៅទីបញ្ជាការដ្ឋានកង​រាជអាវុធហត្ថខេត្តរតនគិរីមួយចំនួនបានបង្ហើបឲ្យដឹងថា រហូតមកដល់ពេលនេះមេឈ្មួញឈ្មោះ ណុប ណាក់ ហៅ​ណាក់ក្បាលធំដែលជាមន្ត្រីអាវុធហត្ថខេត្តរតនគិរីនៅតែបន្តសកម្មភាពកាប់ឈើប្រមូលទិញឈើនិងដឹកជញ្ជូនឈើចេញពីព្រៃឈើតំបន់ឧទ្យានជាតិវីរៈជ័យកន្ទុយនាគយ៉ាងពេញ​បន្ទុកដោយហេតុថា​គ្មានមន្ត្រីជំនាញឬសមត្ថកិច្ចពាក់ព័ន្ធណា​ហ៊ានប៉ះពាល់មេឈ្មួញ​ ណុប ណាក់ ហៅណាក់ក្បាលធំ នោះទេព្រោះឈ្មួញម្នាក់នេះមានខ្នង់បង្អែករឹងមាំចាំជួយការ​ពារគ្រប់ពេលវេលា​។

មន្ត្រីអង្គការក្រៅរដ្ឋាភិបាលនិងសកម្មជនព្រៃឈើក្នុងខេត្តរតនគិរីបានឲ្យដឹងថាតាំងពីលោក គឹម រស្មី នៅធ្វើជាមេបញ្ជាការកងរាជអាវុធហត្ថខេត្តរតនគិរីរហូតដល់សព្វថ្ងៃដែល​លោក ថាវ យ៉េន ធ្វើជាមេបញ្ជាការកងរាជអាវុធហត្ថខេត្តរតនគិរី គឺមេឈ្មួញ ណុប ណាក់ ហៅណាក់ក្បាលធំនៅតែធ្វើសកម្មភាពកាប់ឈើប្រមូលទិញឈើនិងដឹកជញ្ជូនឈើ​ទៅស្រុកយួនយ៉ាងពេញបន្ទុក។

Sponsor

ប្រភពបានឲ្យដឹងទៀតថាបច្ចុប្បន្នលោក ថាវ យ៉េន មេបញ្ជាការកងរាជអាវុធហត្ថខេត្តរតនគិរីកំពុងរក្សាភាពស្ងៀមស្ងាត់ទុកឲ្យមេឈ្មួញ ណុប ណាក់ ហៅណាក់ក្បាលធំ​និងដៃគូម្នាក់ទៀតឈ្មោះ ហូវ ជីវ៉ៃ ហៅអាវ៉ៃ បន្តប្រព្រឹត្តបទល្មើសព្រៃឈើយ៉ាងគឃ្លើនតែម្តង។ បច្ចុប្បន្នមេឈ្មួញ ណុប ណាក់ ហៅណាក់ក្បាលធំ​ និងដៃគូឈ្មោះ ហូវ ជីវ៉ៃ រួមដៃគ្នាកាប់ឈើដឹកជញ្ជូនឈើចេញពីតំបន់កន្ទុយនាគតាមច្រកព្រំដែនក្នុងឃុំញ៉ាងស្រុកអណ្តូងមាសយ៉ាងរាលដាល។

ប្រភពពីមន្ត្រីអង្គការក្រៅរដ្ឋាភិបាលក្នុងខេត្តរតនគិរីបានឲ្យដឹងថាប្រសិនបើគ្មានការឃុបឃិតបើកដៃពីសំណាក់មន្ត្រីបរិស្ថានមន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធទេនោះ គឺមេឈ្មួញ ណុប ណាក់ ហៅណាក់ក្បាលធំនិងបក្ខពួកមិនអាចធ្វើសកម្មភាពបំផ្លាញព្រៃឈើនៅតំបន់កន្ទុយនាគយ៉ាងមហន្តរាយឡើយ។

ហេតុនេះហើយទើបមានសេចក្តីអំពាវនាវឲ្យប្រធានគណៈកម្មការជាតិទប់ស្កាត់និងបង្ក្រាបបទល្មើសធនធានធម្មជាតិ ចាត់វិធានការទប់ស្កាត់បទល្មើសបំផ្លាញព្រៃឈើនៅតំបន់ឧទ្យានជាតិវីរៈជ័យកន្ទុយនាគក្នុងស្រុកតាវែងនិងស្រុកអណ្តូងមាស ខេត្តរតនគិរី ជាបន្ទាន់។

ដោយសារថារហូតមកដល់ពេលនេះឈ្មួញជាមន្ត្រីអាវុធហត្ថខេត្តរតនគិរី២នាក់ឈ្មោះ ណុប ណាក់ ហៅណាក់ក្បាលធំ និង ឈ្មោះ ហូវ ជីវ៉ៃ ហៅអាវ៉ៃ កំពុងបន្តសកម្មភាពបំផ្លាញព្រៃឈើនៅតំបន់ឧទ្យានជាតិវីរៈជ័យកន្ទុយនាគហើយលោក ថាវ យ៉េន មេបញ្ជាការកងរាជអាវុធហត្ថខេត្តរតនគិរី មិនហ៊ានប៉ះពាល់ពួកគេឡើយ៕