កីឡាករCristiano Ronaldoត្រូវនៅដាច់ដោយឡែកពីគេមួយរយៈបន្ទាប់ពីបានប៉ះពាល់ជាមួយមិត្តរួមក្រុមDani​ele Rugani ដែលតេស្ដវិជ្ជមានជាមួយវីរុស COVID-19

កីឡាករCristiano Ronaldoត្រូវនៅដាច់ដោយឡែកពីគេមួយរយៈបន្ទាប់ពីបានប៉ះពាល់ជាមួយមិត្តរួមក្រុមDani​ele Rugani ដែលតេស្ដវិជ្ជមានជាមួយវីរុស COVID-19

ទំនាក់ទំនង៖ 077 818 318
ចែករំលែកព័ត៌មានទៅកាន់៖

អន្តរជាតិ:​ កីឡាករឆ្នេីម​Cristiano Ronaldoពេលនេះកំពុងស្ថិតនៅដាច់ដោយឡែកពីគេនៅឯគេហដ្ឋានរបស់គាត់នៅតំបន់ Madeira ប្រទេសព័រទុយហ្កាល់បន្ទាប់ពីមិត្តរួមក្រុមរបស់ក្លឹបសេះបង្កង់ Juventus លោក Daniele Rugani បានធ្វើតេស្តវិជ្ជមានជាមួយវីរុសកូរ៉ូណា។

តារាបាល់ទាត់ដ៏ល្បីល្បាញរូបនេះបានហោះទៅលេងស្រុកកំណើតដើម្បីទៅមើលម្តាយដែលកំពុងតែឈឺនាពេលថ្មីៗនេះមុនពេលដែលមានព័ត៌មានបែកធ្លាយថាគាត់គួរតែ​នៅដាច់ដោយឡែកសិនជាជាងត្រឡប់ទៅអ៊ីតាលីវិញដែលកំពុងមានការផ្ទុះឡើងនៃវីរុសយ៉ាងខ្លាំង។

Sponsor

តាមប្រភពបានឱ្យដឹងថាទាំងលោកRonaldoនិងRugani បាននៅបន្ទប់ផ្លាស់សំលៀកបំពាក់ជាមួយគ្នាកាលពីថ្ងៃអាទិត្យនៅពេលដែលក្លឹប Juventus បានបំបាក់ក្រុម Inter Milan ក្នុងលទ្ធផល ២-០ ។

នៅក្នុងរូបថតជាក្រុមមួយដែលត្រូវបានបង្ហោះនៅលើ​បណ្តាញសង្គមInstagramដោយ Miralem Pjanic បន្ទាប់ពីចប់ការប្រកួតគេឃើញថាRonaldoនិងRugani បានអបអរជ័យជម្នះជាមួយមិត្តរួមក្រុមយ៉ាងជិតស្និទ្ធ។

ពេលនេះអ្នកដែលបានប៉ះពាល់ជាមួយRuganiត្រូវបាន​ប្រាប់ឱ្យនៅដោយឡែកទាំងអស់សារព័ត៌មានព័រទុយហ្កាល់បានចុះផ្សាយរឿងរ៉ាវនេះនៅលើទំព័រមុខរបស់ពួកគេ ដូចជា Quotidiano Sportivo និង Abola សុទ្ធតែសរសេរថា Ronaldo កំពុងស្ថិតនៅដាច់ពីគេ។

គួរឱ្យដឹងដែរថាស្ថានភាពនៅអ៊ីតាលីពេលនេះគឺអាក្រក់ខ្លាំងណាស់ដែលតម្រូវរាល់ព្រឹត្តិការណ៍កីឡាទាំងអស់ត្រូវបានលុបចោលរហូតដល់យ៉ាងហោចណាស់ថ្ងៃទី០៣ខែមេសា​។

ក្រុមសេះបង្កង់ Juventus ក៏គ្រោងនឹងប្រកួតបិទទ្វារពហុកីឡដ្ឋានជាមួយក្លឹប Lyon នៅក្នុងក្របខណ្ឌ Champions League នាថ្ងៃអង្គារសប្ដាហ៍ក្រោយនេះ ប៉ុន្តែទំនងជានឹងត្រូវផ្អាកវិញផងដែរ៕