មន្ត្រីនៃអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែងនិងបង្រ្កាបការក្លែងបន្លំ(ក.ប.ប.)រកឃើញពោះវៀនជ្រូក​ខូចគុណភាពប្រមាណ៥តោនត្រូវបានឃាត់ទុកបណ្តោះអាសន្ន

មន្ត្រីនៃអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែងនិងបង្រ្កាបការក្លែងបន្លំ(ក.ប.ប.)រកឃើញពោះវៀនជ្រូក​ខូចគុណភាពប្រមាណ៥តោនត្រូវបានឃាត់ទុកបណ្តោះអាសន្ន

ទំនាក់ទំនង៖ 077 818 318
ចែករំលែកព័ត៌មានទៅកាន់៖

កណ្តាល​:​ នៅថ្ងៃទី០៨ខែមេសាឆ្នាំ២០២០មន្រ្តីសាខា ក.ប.ប. ខេត្តកណ្តាលដោយមានការចូលរួមដោយអភិបាលរងខេត្ត ព្រះរាជអាជ្ញារង អមសាលាដំបូងខេត្តមន្រ្តីនគរបាលប្រឆាំងបទល្មេីសសេដ្ឋកិច្ចមន្រ្តីសាខាគយនិងរដ្ឋាករ​មន្រ្តីបសុព្យា​បាលអាជ្ញាធរដែនដីនិងអធិការស្រុកបានចុះត្រួតពិនិត្យ ផលិតផលពោះវៀនជ្រូកមានទម្ងន់៥តោនដែលផ្ទុកក្នុងកុងទឺណ័រចំនួន០២ស្តុកទុកក្នុងឃ្លាំងគ្មានលេខដែលស្ថិតក្នុងភូមិជ័យឧត្តមឃុំសំរោងធំស្រុកកៀនស្វាយខេត្តកណ្តាល។

ការត្រួតពិនិត្យត្រូវបានគាំទ្រដោយរថយន្តពិសោធន៍ចល័តផ្នែកម្ហូបអាហាររបស់អគ្គនាយកដ្ឋានក.ប.ប. ផងដែល។

Sponsor

ក្រោយការត្រួតពិនិត្យសមត្ថកិច្ចចម្រុះបានរកឃើញថាទំ​និញពុំមានឯកសារបញ្ជាក់និងមានសភាពស្អុយមានចម្លងមេរោគដោយសារការវេចខ្ចប់និងទុកដាក់ពុំត្រឹមត្រូវតាមគោលការបច្ចេកទេស។

ដោយសង្កេតឃេីញថាផលិតផលទាំងនេះបានខូចគុណភាពពុំអាចយកមកប្រេីប្រាស់ជាម្ហូបអាហារសម្រាប់បរិភោគបាន សមត្ថកិច្ចចម្រុះបានសម្រេចឃាត់ទុកទំនិញទាំងនេះជា​បណ្តោះអាសន្ននៅឃ្លាំងខាងលើដើម្បីបំពេញបែបបទ​យកទៅកំទេចចោលតាមនីតិវិធី។

ចំណែកម្ចាស់ទំនិញត្រូវបាននាំខ្លួនទៅសាកសួរបន្តនៅស្នងការដ្ឋាននគរបាលខេត្តកណ្តាល។