អ្នកបេីកត្រាក់ទ័ម្នាក់បេីកបរនៅស្ទេីរបណ្តាលអោយធ្លាក់ចូលប្រឡាយកិនពីលេីស្លាប់មួយរំពេច

ប៉ៃលិន:​ បុរស់អ្នកបើកបរត្រាក់ទ័រម្នាក់បានស្លាប់ភ្លាមៗដោយ​សារត្រាក់ទ័រក្រឡាប់កិនពីលើហេតុការណ៍នេះបានកើត​ឡើង​នៅវេលាម៉ោង១០និង៣០នាទីនាព្រឹកថ្ងៃទី១៨ខែ​មេសា​ឆ្នាំ២០២០ត្រង់ចំណុចភូមិអូរច្រាលិចសង្កាត់បរយ៉ាខា ក្រុងប៉ៃលិន ។

ប្រភពពីសមត្ថកិច្ចបានឲ្យដឹងថាជនរងគ្រោះឈ្មោះ លាង ហេង​ ភេទប្រុសអាយុ៤២ឆ្នាំសញ្ជាតិខ្មែរមុខរបរកសិកររស់នៅភូមិឃុំកើតហេតុខាងលើ ។

ប្រភពដដែលបន្តថាមូលហេតុដែលនាំអោយមានការក្រ​ឡាប់ទ័រខាងលើកើតឡើងដោយសារ អ្នកបើកបរបើកត្រាក់ទ័យក្រោយមិនប្រយ័ត្នបណ្តាលអោយធ្លាក់ប្រឡាយ ក្រឡាប់កិនខ្លួនឯងស្លាប់ភ្លាមៗតែម្តង ។

ក្រោយកើតហេតុសមត្ថកិច្ចបានប្រគល់សាកសពត្រូវទៅអោយសាច់ញាតិដើម្បីយកទៅធ្វើបុណ្យតាមប្រពៃណី ៕