ព័ត៌មាន​លម្អិត​! អ្នកទោសប្រមាណជិត៣០នាក់បានសម្រុកនាំគ្នារត់ចេញពីពន្ធនាគារខេត្តកំពង់ស្ពឺទាំងយប់ទៅបានមកពីអ្វី ?

ព័ត៌មាន​លម្អិត​! អ្នកទោសប្រមាណជិត៣០នាក់បានសម្រុកនាំគ្នារត់ចេញពីពន្ធនាគារខេត្តកំពង់ស្ពឺទាំងយប់ទៅបានមកពីអ្វី ?

ទំនាក់ទំនង៖ 077 818 318
ចែករំលែកព័ត៌មានទៅកាន់៖

កំពង់ស្ពឺ:​ តាម​សេចក្តីរាយការណ៍​ព័ត៌មានពីមន្ត្រីនគរបាលខេត្តកំពង់ស្ពឺបានឲ្យដឹងថានៅ​វេលា​ម៉ោងប្រហែលជិត៨​យប់ថ្ងៃទី១៩ខែមេសាឆ្នាំ២០២០នេះ​មានករណីអ្នកទោសជិត​៣០​នាក់​ដែលជាប់ឃុំនៅក្នុងពន្ធនាគារខេត្តកំពង់ស្ពឺដែលមាន ទីតាំងស្ថិតនៅក្នុងភូមិត្រស់សាលាសង្កាត់ស្វាយក្រវ៉ាន់ក្រុងច្បារ​មនបាន​​រត់គេច​ខ្លួន​និងកំពុងត្រូវតាមរកដើម្បីចាប់ខ្លួនមកវិញ។

តាមប្រភពមួយទៀតបង្ហើបថាការសម្រុករត់គេចខ្លួនក្រុមអ្នកទោសនេះគឺសមត្ថកិច្ចចូលទៅយកអ្នកទោសដែលមានជំងឺមកព្យាបាលទើបឃើញឱកាសល្អក្រុមអ្នកទោស​ព្យាយាម​រត់គេចចេញតែម្ដង ។

Sponsor

ប៉ុន្តែទីតាំងពន្ធនាគារនេះមានការយាមតឹងរឹងណាស់មិនគួរណាក្រុមអ្នកទោសរត់រួចសោះឬមួយមានអ្វីនៅពីក្រោយ​ខ្នង។

ទាក់ទងរឿងអ្នកទោសហែកគុករត់នេះគេ​នៅ​មិន​ទាន់​ដឹង​ច្បាស់ថាមានចំនួនប៉ុន្មាននាក់ដែលបាន​រត់គេច​ចេញពីពន្ធនាគារខេត្តកំពង់ស្ពឺទាំង​យប់​នេះទេ។

ព្រោះ​កំពុង​ច្របូកច្របល់​កម្លាំងមន្ត្រីអគ្គានុរក្សពន្ធនាគារ បាននិងកំពុងសហការជាមួយសមត្ថកិច្ចនគរបាលនិងកងរាជអាវុធហត្ថបានធ្វើការតាមប្រម៉ាញ់ អ្នកទោសមកវិញ។

ករណីអ្នកទោសអាចរត់ចេញពីពន្ធនាគារទាំងក្បាលព្រលប់ បានធ្វើអោយមហាជនមានការរិះគន់យ៉ាងខ្លាំងនិងមានចម្ងល់សួរហេតុអ្វីពន្ធនាគារខេត្តកំពង់ស្ពឺគេឃើញមានការយាមតឹងតែងប៉ុន្តែបែរជាអ្នកទោសអាចរត់ចេញពីពន្ធនាគាររួចតើនេះមកពីការធ្វេសប្រហែសឬមានអ្វីនៅពីក្រោយខ្នង ?
តាមការអោយដឹងពីសមត្ថកិច្ចថាក្រុមអ្នកទោសដែលសម្រុកចេញពីពន្ធនាគារនោះមិនក្រោមពី៣០នាក់នោះទេហើយ​មូលហេតុដែលក្រុមអ្នកទោសព្យាយាមរត់នោះមកពីមូលហេតុការធ្វេសប្រហែសរបស់មន្ត្រីពន្ធធនាគារ។

មហាជនចង់ឃើញលោកនាយឧត្តមសេនីយ៍សន្តិបណ្ឌិត ចាន់ គីមសេង អគ្គនាយកនៃអគ្គនាយកដ្ឋានពន្ធនាគារលោក​ ប៉ាវ​ ហមផាន​ រដ្ឋលេខាធិការក្រសួងមហាផ្ទៃទទួលបន្ទុកកិច្ចការពន្ធនាគារជាពិសេសសម្ដេចក្រឡាហោម សរ ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃស្រាវជ្រាវនិងពិនិត្យមើលការដឹកនាំរបស់លោកឧត្តមអគ្គានុរក្សថ្នាក់លេខ២ ទីនសុវណ្ណនីប្រធានពន្ធនាគារខេត្តកំពង់ស្ពឺដែលបានចូលកាន់តំណែងជាប្រធានពន្ធនាគារខេត្តកំពង់ស្ពឺដឹកនាំអង្គភាព​នេះចាប់តាំងពីថ្ងៃទី១២ខែកក្កដាឆ្នាំ២០១៨​មកដល់ពេលនេះ តើមានរឿងអ្វីខ្លះ ? តើគាត់ដឹកនាំរបៀបណា ? ទើបមាន​រឿងអ្នកទោសរត់រួចចេញពីពន្ធនាគារដូច្នេះ។

ហើយនៅព្រឹកថ្ងៃទី២០ខែមេសាឆ្នាំ២០២០លោកឧត្តមសេ​នីយ៍ទោ សម សាមួន ស្នងការខេត្តកំពង់ស្ពឺគាត់បានប្រាប់ មកខាងសារព័ត៌មានថាពិតជាមានរឿងអ្នកទោសលួច​រត់​ចេញពិតប្រាកដមែនប៉ុន្តែព័ត៌មានលម្អិតគាត់ឲ្យទំនាក់ទំនងទៅលោកប្រធានពន្ធនាគារខេត្តកំពង់ស្ពឺផ្ទាល់ប៉ុន្តែអង្គភាព​យើងខ្ញុំមិនទាន់ទាក់ទងលោកប្រធានពន្ធនាគារបាននៅ​ឡើយទេ ។