អតីត​ជាប៉ូលីសប៉ុស្តិបឹងទំពុន១ដែលមានរហ័សនាមអាកណ្តុលក្លាយជាចោរកាច់​ ក​ ម៉ូ​តូ​ត្រូវសមត្ថកិច្ចឃាត់ខ្លួនរួច​បញ្ចូនទៅតុលាការហេីយបានរត់គេចខ្លួនរួចកាលពីប៉ុន្មានឆ្នាំមុនត្រូវសមត្ថកិច្ចនគរបាលប៉ុស្តិស្ទឹងមានជ័យ១ឃាត់ខ្លួន​បាន

អតីត​ជាប៉ូលីសប៉ុស្តិបឹងទំពុន១ដែលមានរហ័សនាមអាកណ្តុលក្លាយជាចោរកាច់​ ក​ ម៉ូ​តូ​ត្រូវសមត្ថកិច្ចឃាត់ខ្លួនរួច​បញ្ចូនទៅតុលាការហេីយបានរត់គេចខ្លួនរួចកាលពីប៉ុន្មានឆ្នាំមុនត្រូវសមត្ថកិច្ចនគរបាលប៉ុស្តិស្ទឹងមានជ័យ១ឃាត់ខ្លួន​បាន

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ភ្នំពេញ​:​ កំពូលចោរឆ្កឹះសោរ​ដ៏ស្ទាត់ជំនាញ​រហ័សនាម អាកណ្ដុរដែលឆ្កឹះសោរខ្នោះ​លួចរត់ចេញពី​សាលាដំបូងរាជធានីភ្នំពេញ​កាលពី៩ខែមុននោះ​​ត្រូវបានកម្លាំងអន្តរាគមន៍ពិសេស​នៃអធិការដ្ឋានខណ្ឌមានជ័យ​សហការជាមួយប៉ុស្តិ៍ស្ទឹងមានជ័យទី១​ចាប់ឃាត់ខ្លួន​បាន​ហេីយខណៈពេលជិះម៉ូតូឌុបបក្ខពួកម្នាក់ទៀតចេញដើររកលួច​កាច់ក​.ម៉ម៉ូតូរបស់ប្រជាពលរដ្ឋដែលទុកប្រហេសតែមកដល់ក្នុងទឹកដីសង្កាត់ស្ទឹងមានជ័យទី១បែរជា​អស់លក្ខណ៍ព្រោះត្រូវកម្លាំងល្បាតប្រទះឃើញ​ក៏ឃាត់សួរនាំ​សុំត្រួតពិនិត្យ រកឃើញ​ឧបករណ៍​កាច់សោរ​ក.មួយឈុត ទេីបចាប់ឃាត់ខ្លួនវាយខ្នោះយកមកសាកសួរនាំកាលពីវេលាម៉ោង១និង​៥នាទីយប់រំលងអធ្រាត្រ​ឈឈានថ្ងៃអង្គារទី២១ខែមេសា ឆ្នាំ២០២០នេះនៅចំណុចខាងក្រោយផ្សារសឡា​ភូមិមានជ័យ​ សង្កាត់ស្ទឹងមានជ័យទី១ខណ្ឌមានជ័យ​ រាជធានីភ្នំពេញ​។

សូមបញ្ជាក់ថា​ជនត្រូវចោទជាចោរកាច់កម៉ូតូម្នាក់បានយកឈេីចាក់ធ្មេញលួចឆ្កឹះសោរខ្នោះ​បានយ៉ាងស្ទាត់ជំនាញ ងាយស្រួលរត់គេចខ្លួនបាត់ស្រមោលពីបរិវេណសាលា​ដំបូងរាជធានីភ្នំពេញបានដោយសុវត្ថិភាពកាលពីម៉ោង៤​និង៥០នាទីល្ងាចថ្ងៃទី១៨ខែសីហាឆ្នាំ២០១៩កន្លងទៅដោយ លួចឆ្កឹះសោខ្នោះ។

Sponsor

ជនត្រូវចោទដែលបានលួចរត់នោះឈ្មោះ អឹម រតនៈ ហៅ អាកណ្ដុរភេទប្រុស អាយុ៣២ឆ្នាំមុខរបរមិនពិតប្រាកដជា​អតីតមន្ត្រីនគរបាលរដ្ឋបាលប៉ុស្តិ៍បឹងទំពន់មានស្រុកកំណេីតនៅភូមិភ្នាតសង្កាត់ស្ទឹងមានជ័យទី២ខណ្ឌមានជ័យស្នាក់​នៅបន្ទប់ជួល​នៅម្ដុំចំការដូង​ខណ្ឌដង្កោ​រាជធានីភ្នំពេញ​​ ។

ជនសង្ស័យទី២.ឈ្មោះ លី តុងហួរ ភេទប្រុស​អាយុ២៧ឆ្នាំ មានស្រុកកំណើត​នៅភូមិថ្មី​សង្កាត់ស្ទឹងមានជ័យខណ្ឌមាន​ជ័យ​បច្ចុប្បន្ន​ស្នាក់នៅផ្ទះលេខ២៣៥ភូមិថ្មី​សង្កាត់ស្ទឹងមាន​ជ័យទី១​ខណ្ឌមានជ័យ​រាជធានីភ្នំពេញ​ ។

លោកអនុសេនីយ៍ឯក​ ភក្ដី​ ម៉ាណេត​ ប្រធានក្រុមអន្តរាគមន៍ពិសេស​នៃអធិការដ្ឋានខណ្ឌមានជ័យ​បានប្រាប់មុនឈានដល់ការឃាត់ខ្លួនជនសង្ស័យខាងលេីនេះ​ដោយមាន ការដឹកនាំ​និងចង្អុលបង្ហាញរបស់លោកវរសេនីយ៍ទោ​ ម៉េង​ វិមានតារា​ អធិការនគរបាលខណ្ឌមានជ័យ​បានបញ្ជាអោយចេញកម្លាំងបង្កេីនការយកចិត្តទុកដាក់ចេញល្បាត​ក្នុងមូលដ្ឋាន​ទប់ស្កាត់​និងបង្ការបទល្មើសផ្សេងៗខណៈពេលកម្លាំងអន្តរាគមន៍ពិសេសនៃអធិការដ្ឋានខណ្ឌមានជ័យ​ដែលដឹកនាំដោយរូបលោកផ្ទាល់ដែលជាប្រធានក្រុមអន្តរាគមន៍ពិសេសសហការជាមួយកម្លាំងប៉ុស្តិ៍ស្ទឹងមានជ័យទី១បានចេញល្បាតមកដល់ក្រោយផ្សារសឡា​ដែលជាចំណុចឃាត់ខ្លួនជនសង្ស័យខាងលេី​ ក៏ប្រទះឃើញជនត្រូវចោទនិងជនសង្ស័យទាំងពីរនាក់កំពុងជិះម៉ូតូមួយគ្រឿង​ម៉ាកហុងដាឌ្រីមសង់​ស៊េរីចាស់​ឌុបគ្នា​តាមផ្លូវដោយមានសភាពគួរឲ្យសង្ស័យទេីប​កម្លាំងល្បាតឃាត់សួរនាំ​ ស្រាប់តែជនសង្ស័យ​បានទម្លាក់​វត្ថុតាង​ចោល​តែត្រូវកម្លាំងឃាត់និងសុំធ្វេីការត្រួតពិនិត្យខ្លួនប្រាណនិងរេីសវត្ថុតាងនោះមកពិនិត្យមេីលជាក់ស្ដែងរកឃើញមានដែកចុងស្រួលចំនួន១សោរទីបលេខ៨​ចំនួន១និងដែកសរសៃចំនួន១ដែលលាក់ក្នុងប្រអប់ពណ៍ខ្មៅទេីបចាប់ដកហូត​និងវាយខ្នោះនាំខ្លួនមកសាកសួរនាំនៅស្នាក់ការប៉ុស្តិ៍នគរបាលរដ្ឋបាលតែម្ដង ។

បច្ចុប្បន្នជនសង្ស័យទាំងពីរនាក់​និងវត្ថុតាងខាងលេី​ត្រូវឃាត់ខ្លួន​នៅអធិការដ្ឋាននគរបាលខណ្ឌមានជ័យ​ដេីម្បីរងចាំ​កសាងសុំណំរឿង​បន្តតាមនីតិវិធី​ច្បាប់​ ៕