ប្រជាពលរដ្ឋចំនួន៥១នាក់ានចាញ់បោកមេខ្យល់លួចឆ្លង​ដែនខុសច្បាប់ត្រូវសមត្ថកិច្ចទប់ស្កាត់ទាន់ពេល

ប្រជាពលរដ្ឋចំនួន៥១នាក់ានចាញ់បោកមេខ្យល់លួចឆ្លង​ដែនខុសច្បាប់ត្រូវសមត្ថកិច្ចទប់ស្កាត់ទាន់ពេល

ទំនាក់ទំនង៖ 077 818 318
ចែករំលែកព័ត៌មានទៅកាន់៖

បន្ទាយមានជ័យ:​ ពលករខ្មែរប្រុសស្រីជាច្រេីននាក់នៅតែចាញ់បោកមេខ្យល់លួងលោមឆ្លងដែនទៅប្រទេសថៃ​ដោយខុសច្បាប់តែត្រូវកម្លាំងការពារព្រំដែនគោក៨០៧​និង​កម្លាំងយោធាសឹក​រងស្រុកថ្មពួក​ធ្វើការទប់ស្កាត់កាលពីវេលា​ម៉ោង៥និង៥០នាទី​ល្ងាចថ្ងៃទី២៣​ខែឧសភា​២០២០​។

សមត្ថកិច្ចការពារព្រំដែនប្រាប់ថាពលរដ្ឋចាញ់បោកមេខ្យល់លួចឆ្លងដែននោះមានចំនួនចំនួន៥១នាក់​ស្រី២៦​នាក់​មកពីខេត្តចំនួន៦ក្នុងនោះ​មានខេត្តបន្ទាយមានជ័យ២៩នាក់ស្រី១៤​នាក់,ខេត្តកំពង់ធំចំនួន៩នាក់ស្រី៥នាក់,ខេត្តសៀម​រាប៦នាក់ ស្រី៣នាក់,ខេត្តបាត់ដំបង៣នាក់ស្រី១នាក់,ខេត្តពោធិ៍សាត់​ចំនួន២នាក់ស្រី១នាក់,ខេត្តឧត្តរមានជ័យ២នាក់ស្រី១នាក់។

Sponsor

លោកមេបញ្ជាការការពារវរព្រំដែនគោកលេខ៨០៧​ ឡុង សំណាង​ បានមានប្រសាសន៍តាមទូរស័ព្ទនៅព្រឹកថ្ងៃទី២៤​ខែឧសភាឆ្នាំដដែលនេះថាៈចំពោះបងប្អូនពលរដ្ឋទាំងអស់នោះលោកបានធ្វើការណែនាំអប់រំមិនឲ្យពួកគាត់ឆ្លងដែនខុសច្បាប់នោះទេព្រោះជំងឺផ្ដាយសាថ្មី(covid-19)នៅមិនទាន់ស្ងប់ស្ងាត់នោះទេគឺនៅតែបន្តការរាតត្បាតទៀត។

ដូច្នេះសូមបងប្អូនកុំទាន់ធ្វើអ្វីមួយតាមការញុះញង់របស់មេខ្យល់ឬមួយការអូសទាញពីខាងភាគីថៃនោះឡើយ។

លោកបញ្ជាក់ថាលោកបានទំនាក់ទំងជាមួយសមត្ថកិច្ចថៃតាមបន្ទាត់ព្រំដែនថៃដោយយើងមិនចង់ឲ្យបងប្អូនធ្វើចំ​ណាកស្រុកនោះទេខ្លាចមានបញ្ហាជំងឺឆ្លងដល់បងប្អូន។

ក្រោយពីធ្វើការអប់រំរួចសូមឲ្យពួកគាត់ត្រលប់ទៅស្រុកកំ​ណើតវិញហើយរង់ចាំមានកិច្ចព្រមព្រៀងរវាងអាជ្ញាធរទាំងសងខាងយើងនិងវាយប៉ាស្ព័រចូលទៅព្រោះពួកគាត់មានលិខិតឆ្លងដែនត្រឹមត្រូវប៉ុន្តែខាងភាគីថៃមិនឲ្យចូលពួកគាត់ក៏សម្រេចឆ្លងដែនខុសច្បាប់តាមរយៈការឃោសនារបស់មេខ្យល់។

បន្ទាប់ពីការអប់រំរួចលោកបានប្រគល់ជូនរដ្ឋបាលស្រុកចាត់ការតាមនិីតិវិធី៕