ឈ្មួញ​រកសុីដឹកជ្រូនាំចូលពីប្រទេសជិតខាងខុសច្បាប់ត្រូវកម្លាំងយោធាកាពារព្រុំដែននិងផ្នែកបសុព្យាបាលធ្វេីកាឃាត់បានរថយន្តមួយគ្រឿងនិងមានសត្វជ្រូក៤៥ក្បាល

ឈ្មួញ​រកសុីដឹកជ្រូនាំចូលពីប្រទេសជិតខាងខុសច្បាប់ត្រូវកម្លាំងយោធាកាពារព្រុំដែននិងផ្នែកបសុព្យាបាលធ្វេីកាឃាត់បានរថយន្តមួយគ្រឿងនិងមានសត្វជ្រូក៤៥ក្បាល

ទំនាក់ទំនង៖ 077 818 318
ចែករំលែកព័ត៌មានទៅកាន់៖

បន្ទាយមានជ័យ​:​ ពេទ្យសត្វ​សហការ​ជាមួយ​យោធា​ការពារ​ព្រំដែនបាន​ឃាត់​រថយន្ត​១​គ្រឿង​ដឹក​ជ្រូក​ចំនួន​៤៥​ក្បាល កាលពី​វេលា​ម៉ោង​៩និង​៣០​នាទី​យប់ថ្ងៃ​ទី​២៥ឧសភានៅ​ចំណុច​ព្រំដែន​ក្នុងភូមិ​សាស្ត្រ​ឃុំ​អូរ​បី​ជាន់ស្រុក​អូរ​ជ្រៅខេត្តបន្ទាយមានជ័យ ។

លោក​ ​ហ៊ុយ តូច ប្រធាន​ការិយាល័យ​ផលិតកម្មនិង​បសុព្យាបាល​ខេត្តបន្ទាយមានជ័យឲ្យ​ដឹង​ថារថយន្ត​ម៉ាក​ស្តា​រិច ពាក់​ផ្លា​ក​លេខ​ភ្នំពេញ2AD.3478ត្រូវ​ឈ្មួញ​លួច​ដឹក​ជ្រូក​ចំនួន​៤៥​ក្បាលនាំ​ចូល​តាម​ច្រករបៀង​ខុសច្បាប់​«(ណ​ង​ចាន់​)​ស្ថិត​ក្នុង​ឃុំ​អូរ​បី​ជាន់ ។

Sponsor

សមត្ថកិច្ច​បាន​ចាប់ហើយ​ជ្រូក​ទាំងនោះ​បញ្ជូន​ទៅ​ការិយា​ល័យ​ផលិតកម្មនិង​បសុព្យាបាល​ខេត្តដើម្បី​យក​សំណាក​ទៅ​ពិនិត្យ ។

លោក​ ហ៊ុយ តូច ថា ការ​ចាប់​រថយន្ត​ដឹក​ជ្រូក​នោះគឺ​អនុវត្ត​តាម​ការ​ណែនាំ​របស់​ក្រសួងកសិកម្មនិង​វិធានការ​ពី​នាយក​ដ្ឋាន​ផលិតកម្មនិង​បសុព្យាបាលដើម្បី​ទប់ស្កាត់​ជ្រូក​ដែល​នាំ​ចូល​ពី​ប្រទេស​ជិតខាង​ផងនិង​លើកកម្ពស់​ការ​ចិញ្ចឹមសត្វ​ក្នុងស្រុក​ផង ។

លោក​ឧត្តមសេនីយ៍ត្រី​ ឃួ​ន ជឿន មេបញ្ជាការ​យោធា​ការពារ​ព្រំដែន​លេខ​៥០៣បាន​បញ្ជាក់​ថាតាម​ការ​ណែនាំ​ពី​លោក​មេបញ្ជាការ​យោធ​ភូម​ភា​គិ​ទី​៥និង​មេបញ្ជាការ​ទិស​ទី​១​បន្ទាយ​មាន​ជ័យបានឱ្យ​កម្លាំង​ឈរជើង​តាម​បន្ទាត់​ព្រំដែន ចូលរួម​ទប់ស្កាត់​រាល់​បទល្មើស​ឆ្លង​ដែននិង​ទំនិញគេច​ពន្ធ ។

កម្លាំង​លោក​ក៏​បាន​ចូលរួម​ទប់ស្កាត់ដោយ​ឃាត់​រថយន្ត​ដឹក​ជ្រូក​ដែល​ឈ្មួញ​លួច​នាំ​ចូល​ពី​ប្រទេស​ថៃ​នោះ ។

កងកម្លាំង​យោធា​ដែល​កំពុង​ឈរជើង​ការពារ​ព្រំដែន​តែងតែ​ទប់ស្កាត់​រាល់​បទល្មើស​ឆ្លង​ដែនមាន​ទំនិញគេចពន្ធនិង​ពល​ករ​ចំណាកស្រុក​ខុសច្បាប់ ៕