នគរបាលចាប់ឃាត់ខ្លួនស្ត្រីម្នាក់បញ្ចូនទៅកាន់តុលាការពីករណីឆបោករឿងលុយទិញដីបង់រំលស់តែមិនឃេីញ

នគរបាលចាប់ឃាត់ខ្លួនស្ត្រីម្នាក់បញ្ចូនទៅកាន់តុលាការពីករណីឆបោករឿងលុយទិញដីបង់រំលស់តែមិនឃេីញ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ភ្នំពេញៈ​ នគរបាលផ្នែកព្រហ្មទណ្ឌរបស់អធិការដ្ឋានខណ្ឌទួ​លគោកនៃស្នងការដ្ឋាននគរបាលរាជធានីភ្នំពេញនៅថ្ងៃទី០១​ខែមិថុនាឆ្នាំ២០២០នេះបាន​បញ្ជូនស្ត្រីសង្ស័យឈ្មោះ សួន មករា អាយុ៣៦ឆ្នាំមុខរបរអ្នកគក់ជេរទិញនិងលក់ដីឡូត៍ទៅ​កាន់សាលាដំបូងរាជធានីភ្នំពេញក្រោយដើមបណ្តឹងដែលជាជនរងគ្រោះប្តឹងទៅសមត្ថកិច្ចឲ្យឃាត់ខ្លួននៅសង្កាត់បឹងកក់ទី២ខណ្ឌទួលគោករាជធានីភ្នំពេញ។

ក្នុងការឃាត់ខ្លួនជនសង្ស័យរូបនេះដោយសារតែសង្ស័យបានយក​លុយជនរងគ្រោះទៅទិញដីឡូត៍ឲ្យជនរងគ្រោះតែយក​ទៅ​ចាយវាយអស់លុយហើយគេចខ្លួនបាត់។

Sponsor

លោក ខាត់ ខុនទិត្យ បានឲ្យដឹងទៀតថាកាលពីថ្ងៃទី២៩ ខែឧសភាឆ្នាំ២០២០វេលាម៉ោងប្រហែល១៤និង០០នាទី កម្លាំងរបស់នគរបាលប៉ុស្តិ៍រដ្ឋបាលបឹងកក់ទី២នៃអធិ​ការ​ដ្ឋាននគរបាលខណ្ឌទួលគោកឃាត់ខ្លួនជនសង្ស័យនៅចំណុច​តូបលក់បបរផ្លូវលេខ៣១៧ក្រុមទី២៦ភូមិ៦សង្កាត់បឹងកក់ទី២ ខណ្ឌទួលគោករាជធានីភ្នំពេញ។

ជនសង្ស័យមានឈ្មោះ សួន មករា អាយុ៣៦ឆ្នាំជនជាតិខ្មែរ មុខរបរអ្នកគក់ជេរទិញនិងលក់ដីឡូត៍ស្នាក់នៅផ្ទះជួល(ប្លុកវីឡា៥៦)ផ្លូវលេខ៥៩២ក្រុមទី៣១ភូមិ៧សង្កាត់បឹងកក់ទី២ ខណ្ឌទួលគោករាជធានីភ្នំពេញ។

ចំណែកជនរងគ្រោះមានឈ្មោះ ឈួ ទូច ភេទស្រីអាយុ៥៨​ឆ្នាំជនជាតិខ្មែរមុខរបរលក់បបរស្នាក់នៅផ្ទះប្លុកវីឡា៥៦ផ្លូវ​លេខ៥៩២ក្រុមទី៣១ភូមិ៧សង្កាត់បឹងកក់ទី២ខណ្ឌទួល​គោក រាជធានីភ្នំពេញ។

សមត្ថកិច្ចបានដកហូតភស្តុតាងរួមមាន:វិក័យប័ត្រវ៉ីងវេរលុយ​ចំនួន០៣សន្លឹកវិក័យប័ត្រទ្រូម៉ាន់នីចំនួន០៤សន្លឹកវិក័យប័ត្ររបស់ជនរងគ្រោះវេរលុយទៅឲ្យជនសង្ស័យឈ្មោះ​ សួន មករា សំរាប់បង់ប្រាក់ជាដំណាក់កាលឲ្យក្រុមហ៊ុនលក់ដីឡូត៍ (ទទួលពីឈ្មោះ ឈួ ទូច)។

បច្ចុប្បន្នជនសង្ស័យកំពុងស្ថិតក្នុងចំណាត់ការរបស់តុលាការតាមនីតិវិធីច្បាប់៕