កម្លាំង​សមត្ថកិច្ច​ចុះបង្រ្កាបទីតាំងល្បែងជល់មាន់ក្នុងព្រៃមួយកន្លែងឃាត់ខ្លួនអ្នកញៀនល្បែង១៤នាក់​អាគក៥ក្បាលនិងសំភារះមួយចំនួនធំ

កម្លាំង​សមត្ថកិច្ច​ចុះបង្រ្កាបទីតាំងល្បែងជល់មាន់ក្នុងព្រៃមួយកន្លែងឃាត់ខ្លួនអ្នកញៀនល្បែង១៤នាក់​អាគក៥ក្បាលនិងសំភារះមួយចំនួនធំ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

កំពង់ចាម​:​ ដោយទទួលបានពត៌មានពីប្រជាពលរដ្ឋភ្លាម​លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាមបានបញ្ជាដល់កម្លាំងជំនាញរបស់ផែនការងារនគរ​បាលព្រហ្មទណ្ឌដឹកនាំដោយលោកវរសេនីយ៍ឯក ថាញ់ សុខវុន ឋានៈ នាយការិយាល័យនគរបាលព្រហ្មទណ្ឌកម្រិត​ស្រាលសហការជាមួយកម្លាំង​ជំនាញរបស់អធិការដ្ឋាននគរបាលស្រុកកងមាសនិងអាជ្ញាធរមូលដ្ឋាន​និងមានការ​សម្របសម្រួលបញ្ជាផ្ទាល់ពីលោក សុធា ពិសិដ្ឋ ព្រះរាជអាជ្ញារងនៃអយ្យការអមសាលាដំបូងខេត្តកំពង់ចាមនៅថ្ងៃទី១៣​ខែ​មិថុនា​ឆ្នាំ២០២០វេលាម៉ោង១១និង៣០នាទីបានចុះបង្ក្រាបករណីលួចល្បែងស៊ីសងខុសច្បាប់ជល់មាន់​និងអាប៉ោងដាក់​ប្រាក់នៅចំណុចភូមិស្វាយស្រណោះទី១ឃុំរកាអាស្រុកកងមាសខេត្តកំពង់ចាម ។

ជាលទ្ធផលសមត្ថកិច្ចយើង​បានបង្រ្កាបនិងធ្វេីការឃាត់ខ្លួន​បានមុខសញ្ញាចំនួន១៤នាក់​និងដកហូតវត្ថុតាងរួមមាន៖
១-ទូរស័ទ្ទដៃចំនួន១០គ្រឿង
២-ម៉ូតូចំនួន៣៥គ្រឿង
៣-ចានអាប៉ោងចំនួន០១
​៤-កន្រ្តក់មាន់ចំនួន០៤
​៥-ផ្តិលជ័រចំនួន០១
​៦-ហាន់តោអាប៉ោងចំនួន០១
​៧-មាន់ចំនួន០៤ក្បាល
​៨-កន្ធន់ជ័រចំនួន០១
​៩-ជញ្ចឹងថ្លឹងមាន់ចំនួន០១
​១០-ស្កុតរុំនិងខ្នាយដែកមួយចំនួន
​១១-កញ្ចក់បាំងមាន់ចំនួន០១
១២-ប្រាក់រៀលចំនួន៤,៥០០,០០០រៀល(បួនលានប្រាំសែនរៀល)

Sponsor

បច្ចុប្បន្នជនសង្ស័យរួមនិងវត្ថុតាងខាងលើត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ចាមដើម្បីសាកសួរនិងកសាងសំណុំរឿងតាមនីតិវិធី។