គួរឲ្យ​អាសូរ​ណាស់កម្មករ​សំណង់​ម្នាក់នៅក្រុមហ៊ុន(ស្តាហ្គោល)សង្ស័យ​ដេីរភ្លាត់​ស្នៀតធ្លាក់ពីជាន់៤នៃ​អគារ​បណ្តាលអោយស្លាប់ពេលបញ្ចូនទៅដល់មន្ទីពេទ្យ

គួរឲ្យ​អាសូរ​ណាស់កម្មករ​សំណង់​ម្នាក់នៅក្រុមហ៊ុន(ស្តាហ្គោល)សង្ស័យ​ដេីរភ្លាត់​ស្នៀតធ្លាក់ពីជាន់៤នៃ​អគារ​បណ្តាលអោយស្លាប់ពេលបញ្ចូនទៅដល់មន្ទីពេទ្យ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ប៉ោយប៉ែតៈ​ បុរសជាកម្មករសំណង់ម្នាក់បានស្លាប់ក្រោយពីធ្លាក់ពីលើអាគារមានកម្ពស់៤ជាន់ក្នុងក្រុមហ៊ុនស្តាហ្គោលនៅវេលាម៉ោង៦និង៣០នាទីព្រឹកថ្ងៃទី១៨​ខែមិថុនា​ឆ្នាំ​២០២០​ស្ថិតនៅក្នុងភូមិសាមគ្គីមានជ័យសង្កាត់ប៉ោយប៉ែតក្រុងប៉ោយ​ប៉ែតខេត្តបន្ទាយមានជ័យ។

តាមរបាយណ៍ការសមត្ថកិច្ចបានឲ្យសារព័ត៍មានដឹងថាជន​រងគ្រោះមានឈ្មោះ​ ឆនឆេន​ អាយុ៥១ឆ្នាំភេទប្រុសរស់​នៅភូមិបំណាក់ឃុំឈើតុំស្រុកក្រគរខេត្តពោធិសាត់មុខ​របរកម្មករសំណង់ស្នាក់នៅបន្ទប់កម្មករក្នុងការដ្ឋានសំណង់របស់ក្រុមហ៊ុន(ស្តាហ្គោល)ស្ថិតនៅក្នុងភូមិសាមគ្គីមានជ័យសង្កាត់ប៉ោយប៉ែតខេត្តបន្ទាយមានជ័យ។

Sponsor

សមត្ថកិច្ចនគរបាលបានបញ្ជាក់ឲ្យដឹងទៀតថានៅមុនកើតហេតុជនរងគ្រោះបានឡើងទៅធ្វើការនៅលើអាគារជាន់​ទី៤តែមិនដឹងយ៉ាងណាបានជាភ្លាត់ស្នៀតធ្លាក់ពីលើអាគារ​មកដល់ដីបណ្តាលឲ្យរបួសបាក់ជើងឆ្វេងនិងគ្រាំក្នុងខ្លួនហើយត្រូវបានកម្មករធ្វើការជាមួយបានដឹកទៅកាន់មន្ទីរពេទ្យបង្អែកក្រុងប៉ោយប៉ែតគ្រូពេទ្យបានជួយសង្គ្រោះតែមិនអាចសង្គ្រោះបានលុះដល់ម៉ោង៨ព្រឹកទើបជន​រងគ្រោះបានស្លាប់តែម្តង  ។

សពជនរងគ្រោះពេលនេះតំកល់ទុកនៅមន្ទីរពេទ្យបង្អែកក្រុងប៉ោយប៉ែតដើម្បីរងចាំសាច់ញាតិមកទទួលយកទៅចាត់ចែងធ្វើបុណ្យតាមប្រពៃណីនៅស្រុកកំណើត៕