សមត្ថកិច្ចខំតាមចាប់ជនសង្ស័យម្នាក់ជំនាញឆក់ប្លន់យកទៅ​ដាក់គុកតែចៅក្រម ហម ម៉េងសែ បានដោះលែងចោរឆក់ទូរស័ព្ទនេះវិញ

សមត្ថកិច្ចខំតាមចាប់ជនសង្ស័យម្នាក់ជំនាញឆក់ប្លន់យកទៅ​ដាក់គុកតែចៅក្រម ហម ម៉េងសែ បានដោះលែងចោរឆក់ទូរស័ព្ទនេះវិញ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ភ្នំពេញៈ​ ជនត្រូវជាប់ចោទជំនាញខាងឆក់ប្លន់ម្នាក់ដែលសមត្ថកិច្ចនគរបាលប៉ុស្តិ៍រដ្ឋបាលសង្កាត់ទឹកថ្លាខណ្ឌសែនសុខទើបតែឃាត់ខ្លួនបានកាលពីចុងខែមិថុនាឆ្នាំ២០២០នោះត្រូវបានលោកហមម៉េងសែអនុប្រធានសាលាដំបូងរាជធានីភ្នំពេញនិងជាចៅក្រមស៊ើបសួរសម្រេចដោះលែងវិញហើយកាលពីម្សិលមុិញ។

យោងតាមដីកាសម្រេចមិនឃុំខ្លួនជាបណ្ដោះអាសន្នលេខ៥២១២ចុះថ្ងៃទី០២ខែកក្កដាឆ្នាំ២០២០របស់លោកហមម៉េង​សែបានសម្រេចដាក់ជនត្រូវចោទឈ្មោះធឿនរាជ្យនាភេទប្រុសអាយុ១៧ឆ្នាំឲ្យស្ថិតក្រោមការត្រួតពិនិត្យតាមផ្លូវតុលាការ(មិនឃុំខ្លួន) ពីបទលួចមានស្ថានទម្ងន់ទោស(ឆក់ទូរស័ព្ទដៃ)។

Sponsor

សូមបញ្ជាក់ថាជនត្រូវចោទឈ្មោះធឿនរាជ្យនាត្រូវបានលោកសេងហៀងតំណាងអយ្យការអមសាលាដំបូងរា​ជធានីភ្នំពេញបើកការស៊ើបសួរនិងចោទប្រកាន់ពីបទលួច​មានស្ថានទម្ងន់ទោស(ឆក់ទូរស័ព្ទដៃ) ប្រព្រឹត្តនៅចំណុច​មុខផ្សារហេងលីផ្លូវ២៧១ភូមិបុរីកម្មករសង្កាត់ទឹកថ្លាខណ្ឌ​សែនសុខកាលពីថ្ងៃទី២៨ខែមិថុនាឆ្នាំ២០២០យោងតាមមាត្រា៣៥៣និងមាត្រា៣៥៧នៃក្រមព្រហ្មទណ្ឌតាម​រយៈដីកាសន្និដ្ឋានបញ្ជូនរឿងឲ្យស៊ើបសួរលេខ៣៣០៦អ.យ.នចុះថ្ងៃទី៣០ខែមិថុនាឆ្នាំ២០២០។

បើយោងតាមដីកាសម្រេចមិនឃុំខ្លួនជាបណ្ដោះអាសន្នរបស់លោកហមម៉េងសែដែលជាចៅក្រមស៊ើបសួរនោះលោកសេងហៀងជាម្ចាស់បណ្ដឹងអាជ្ញាបានចោទថា«ប្ដឹងឧទ្ធរ​ណ៍» មានន័យថាលោកសេងហៀងនឹងប្ដឹងជំទាស់ចំពោះការដោះលែងចោររូបនេះពីសំណាក់លោកហមម៉េងសែ។

សូមជម្រាបថាជនត្រូវចោទខាងលើត្រូវបានសមត្ថកិច្ចឃាត់ខ្លួនភ្លាមក្នុងបទល្មើសជាក់ស្ដែងឆក់ទូរស័ព្ទដៃកាលពីថ្ងៃទី២៨ខែមិថុនាឆ្នាំ២០២០នៅចំណុមុខផ្សារហេងលីផ្លូវ២៧១ភូមិបុរីកម្មករសង្កាត់ទឹកថ្លាខណ្ឌសែនសុខរាជធានីភ្នំពេញនិងធ្វើកំណតើហេតុស្តាប់ចម្លើយកសាងសំណុំរឿងតាមនីតិវិធី​បញ្ជូនទៅសាលាដំបូងរាជធានីភ្នំពេញឈានដល់តំណាងអយ្យការធ្វើការចោទប្រកាន់ពីបទលួចមានស្ថានទម្ងន់ទោស(ឆក់ទូរស័ព្ទដៃ)តែទីបំផុតចៅក្រមចៅលោកហមម៉ែងសែដោះលែងផុយៗ៕