ចៅក្រមម្នាក់ប្រចាំខេត្តកោះកុង​ដែលបានជិះរថយន្តដេញបុកជនសង្ស័យដែលបានធ្វេីសកម្មភាពឆក់កាបូបកាពីម្សិលមិញបណ្តាលអោយស្លាប់​ត្រូវបានសមត្ថកិច្ចបញ្ចូនទៅតុលាការ

ចៅក្រមម្នាក់ប្រចាំខេត្តកោះកុង​ដែលបានជិះរថយន្តដេញបុកជនសង្ស័យដែលបានធ្វេីសកម្មភាពឆក់កាបូបកាពីម្សិលមិញបណ្តាលអោយស្លាប់​ត្រូវបានសមត្ថកិច្ចបញ្ចូនទៅតុលាការ

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ភ្នំពេញៈ​ កម្លាំងនគរបាលខណ្ឌសែនសុខបានអោយដឹងថានៅថ្ងៃទី៩​ខែកក្កដា​ឆ្នាំ២០២០​នេះ​បញ្ជូនលោក​ គង់​ ខេមរា​ ចៅក្រមសាលាដំបូងខេត្តកោះកុង​ទៅតុលាការ​ដេីម្បី​ចាត់​ការតាមច្បាប់​ករណីបេីកឡានដេញបុកចោរម្នាក់បណ្តាលអោយស្លាប់​ ។

ហេតុការណ៍​នេះ​កេីតឡេីងកាលពីវេលាម៉ោងប្រមាណ​២និង៤០នាទីរសៀលថ្ងៃទី០៨ខែកក្កដាឆ្នាំ២០២០ម្សិលមិញនៅចំណុចខាងត្បូងហាងបាយសុខហុកនៅតាមបណ្តោយ ផ្លូវភ្នំពេញហៅផលូវហាណូយក្នុងភូមិរោងចក្រសង្កាត់គោកឃ្លាងខណ្ឌសែនសុខភ្នំពេញ។

Sponsor

ជនសង្ស័យដែលរថយន្តបុកស្លាប់ឈ្មោះ សាយ គឹមនី ភេទស្រីអាយុ៣០ឆ្នាំកាត់សក់តែងខ្លួនធ្វើប្រុសមានលំនៅ ផ្ទះលេខ២៧ផ្លូវលេខ២៣៦ភូមិសែនសុខសង្កាត់ឃ្មួញ ខណ្ឌសែនសុខរាជធានីភ្នំពេញត្រូវរថយន្តបុកពីក្រោយ បោកក្បាលស្លាប់នៅនឹងកន្លែង ។

ចំណែក ចៅក្រុម ដែលបានបើកឡានបុកមនុស្សស្លាប់នោះឈ្មោះ​ គង់​ ខេមរា​ មុខងារ​ជាចៅក្រមសាលាដំបូងខេត្តកោះកុងជិះរថយន្តម៉ាកហាឡេន ឌ័រ ពណ៌ស ពាកស្លាកលេខ​ភ្នំពេញ ២AF.៧០០៦ ។

តាមប្រភពនៅកន្លែងកើតហេតុបានអោយដឹងថានៅមុន​ពេលកើតហេតុគេឃើញស្រ្តីរូបនោះបានជិះម៉ូតូម៉ាកហុង ដាសេរី២០១៩មួយគ្រឿងពាក់ស្លាកលេខភ្នំពេញ១HO .២៥៤៦ ក្នុងទិសដៅពីជើងទៅត្បូងដោយល្បឿនលឿន ដោយមានរថយន្តម៉ាកហាយឡេនឌ័រមួយគ្រឿងបើកដេញពី ក្រោយ ។

នៅពេលធ្វើដំណើរមកដល់កន្លែងកើតហេតុត្រូវបានរថយន្ត បុកពីក្រោយពេញទំហឹងបណ្តាលឱ្យដួលបោកលើថ្នល់ស្លាប់នៅកន្លែង ។

នៅក្នុងហេតុការណ៍នេះម៉ូតូត្រូវរថយន្តបុកដាច់ផ្លាកលេខ ប៉ើងខ្ទេតទៅលើចិញ្ចើមផ្លូវភ្លាមៗគេឃើញកាបូបប្រាក់ខ្ទាតជ្រុះត្រូវបានម្ចាស់រើសយកវិញ ។

តាមម្ចាស់រថយន្តដែលគ្រោះបានអះអាងថាខ្លួនជាចៅក្រម ខេត្តកោះកុងខ្លួនពុំមានចេតនាបុកជនសង្ស័យអោយ​ស្លាប់នោះទេដោយនៅមុនពេលកើតហេតុគាត់បានជិះរថយន្ត ទៅកាត់សក់នៅតាមផ្លូវលេខ១០១១ក្នុងភូមិពោងពាយសង្កាត់ភ្នំពេញថ្មីខណ្ឌសែនសុខ ។

ខណះនោះនៅពេលដែលគាត់បានចុះពីលើរថយន្តដោយកាន់កាបូបនៅដៃស្រាប់តែជនសង្ស័យរូបនោះបានធ្វើសកម្មភាពឆក់យកបានសម្រេចភ្លាមៗគាត់បានជិះរថយន្តដេញតាម គោលបំណងកៀរផ្តួលដើម្បីយកកាបូបវិញ។

លោកចៅក្រមរូបនោះបានអោយអ្នកព័ត៌មានដឹងថា​នៅ​ពេលធ្វើដំណើរមកដល់កន្លែងកើតហេតុមានរថយន្តមួយគ្រឿងឆ្លងកាត់ម៉ូតូជនសង្ស័យចាប់ហ្វ្រាំងបន្ថយលឿនត្រូវរថយន្តរបស់គាត់បុកពីក្រោយបណ្តាលអោយស្លាប់តែម្តង ។

បេីតាមការនិយាយប្រាប់ពីចៅក្រុមរូបនោះបានអោយដឹងថានៅក្នុងកាបូបដៃរបស់គាត់ដែលត្រូវចោរឆក់មានប្រាក់ប្រមាណជាង៦ពាន់ដុល្លារ ៕