ស្ថានកាកាន់តែក្តៅហេីយដោយមានការវាយប្រហារតាមអាកាសរបស់អាហ្វហ្គានីស្ថានបានសម្លាប់ក្រុមសកម្មប្រយុទ្ធតាលីបង់ចំនួន៦នាក់និង២នាក់ទៀរងរបួស

ស្ថានកាកាន់តែក្តៅហេីយដោយមានការវាយប្រហារតាមអាកាសរបស់អាហ្វហ្គានីស្ថានបានសម្លាប់ក្រុមសកម្មប្រយុទ្ធតាលីបង់ចំនួន៦នាក់និង២នាក់ទៀរងរបួស

ទំនាក់ទំនង៖ 077 818 318
ចែករំលែកព័ត៌មានទៅកាន់៖

អន្តរជាតិ: កងកម្លាំងពិសេសអាហ្វហ្គានីស្ថានបាននិយាយនៅថ្ងៃពុធនេះថាយ៉ាងហោចណាស់ពួកសកម្មប្រយុទ្ធតាលីបង់៦នាក់ត្រូវបានសម្លាប់ក្នុងការវាយប្រហារតាម​អា​កាស​នៅក្នុងខេត្តចំនួនពីររបស់អាហ្វហ្គានីស្ថានភាគខាងត្បូង ។

អង្គភាពប្រតិបត្តិការពិសេសកងទ័ពជាតិអាហ្វហ្គានីស្ថាន (ANASOC) បាននិយាយនៅក្នុងសេចក្តីថ្លែងការណ៍មួយថា “សកម្មប្រយុទ្ធតាលីបង់ ៦ នាក់ត្រូវបានសម្លាប់និង ២ នាក់ផ្សេងទៀតបានរងរបួសក្នុងអំឡុងពេលការវាយប្រហារតាមអាកាសនៅស្រុក Arghandab នៃខេត្ត Zabul និងស្រុក Maiwand នៃខេត្ត Kandahar ដែលនៅជិតខាង” ។

Sponsor

សេចក្តីថ្លែងការណ៍បានបន្ថែមថាការវាយប្រហារតាមអា​កាសត្រូវបានធ្វើឡើងដើម្បីគាំទ្រដល់កម្លាំងជើងគោក បន្ទាប់ពីក្រុមសកម្មប្រយុទ្ធបានវាយលុកប៉ុស្តិ៍ត្រួតពិនិត្យសន្តិសុខ ។

សេចក្តីថ្លែងការណ៍មិនបានផ្តល់ព័ត៌មានលម្អិតថាតើរឿង​រ៉ាវទាំងនោះត្រូវបានធ្វើឡើងដោយកងទ័ពអាកាសអាហ្វហ្គានី​ស្ថានឬអង្គការណាតូនិងកងកម្លាំងចម្រុះរបស់សហរដ្ឋអា​មេ​រិកឬក៏យ៉ាងណានោះទេ ។

ចំណែកក្រុមសកម្មប្រយុទ្ធក៏មិនបានឆ្លើយតបនឹងរបាយការ​ណ៍នេះផងដែររហូតមកដល់ពេលនេះ ។

អំពើហិង្សានៅតែបន្តកើតមាននៅក្នុងប្រទេសដែលហែក​ហួរដោយសង្រ្គាមបន្ទាប់ពីកិច្ចព្រមព្រៀងសន្តិភាពមួយត្រូវ​បានចុះហត្ថលេខារវាងសហរដ្ឋអាមេរិកនិងតាលីបង់នៅប្រទេសកាតាកាលពីខែកុម្ភៈដែលបានត្រួសត្រាយផ្លូវសម្រាប់ការដកកម្លាំងរបស់សហរដ្ឋអាមេរិកជាដំណាក់កាល ។

យោងតាមកិច្ចព្រមព្រៀងនេះកងទ័ពសហរដ្ឋអាមេរិកនិងកង​ទ័ពអង្គការណាតូប្រមាណ១ម៉ឺននាក់ដែលឈរជើងនៅ​ប្រទេសអាហ្វហ្គានីស្ថាននឹងត្រូវដកចេញនៅខែកក្កដាឆ្នាំក្រោយ ៕