ក្មេងៗ​៥នាក់នាំគ្នាទៅលេងរុញទ្វារដែកបណ្តាលឲ្យរបូតគន្លឹះរលំ​ទ្វារ​សង្កត់​ក្មេង​​ស្លាប់​ម្នាក់និងរង​របួសធ្ងន់ស្រាល៤​នាក់

ក្មេងៗ​៥នាក់នាំគ្នាទៅលេងរុញទ្វារដែកបណ្តាលឲ្យរបូតគន្លឹះរលំ​ទ្វារ​សង្កត់​ក្មេង​​ស្លាប់​ម្នាក់និងរង​របួសធ្ងន់ស្រាល៤​នាក់

ទំនាក់ទំនង៖ 077 818 318
ចែករំលែកព័ត៌មានទៅកាន់៖

កណ្តាល​:​ បាក់រលំទ្វារដែកសង្កត់ក្មេងប្រុសម្នាក់​បណ្តាលអោយស្លាប់នៅកន្លែងគួរ​ឲ្យ​អាណោចអាធ័ម​ហេតុការណ៍នេះបានកើតឡើងនៅ​វេលា​ម៉ោង​១០​និង​៣០​នាទី​ព្រឹក​ថ្ងៃ​ទី​០៤ខែសីហាឆ្នាំ​២០២០​នេះស្ថិត​នៅ​ភូមិ​ព្រែក​តូចឃុំ​ព្រែក​ដាច់ស្រុក​លើក​ដែកខេត្តកណ្ដាល ។

តាម​ប្រភពសមត្ថកិច្ច​នគរបាល​ស្រុកលើក​ដែកបាន​ឲ្យ​ដឹង​ថាក្មេង​ប្រុស​ដែល​ស្លាប់មានឈ្មោះ រុន ចំរុង អាយុ​០៩​ឆ្នាំមាន​ទីលំនៅ​ភូមិ​ព្រែក​តូចឃុំ​ព្រែក​ដាច់ស្រុក​លើក​ដែកខេត្តកណ្ដាល ។

Sponsor

ចំណែក​ក្មេង​២​នាក់​ទៀត​មានឈ្មោះ ភា​រ៉ា និង​ឆៃ​រ៉ាត់ អាយុ​១០​ឆ្នាំត្រូវ​ចំ​ជើង​ឆ្វេង​របួសស្រាល ។

សមត្ថកិច្ច​បានបន្តរឲ្យ​ដឹង​ទៀត​ថាក្មេង​ប្រុស​រង​គ្រោះ មានគ្នីគ្នា​៤​ទៅ​៥​នាក់បាន​នាំ​គ្នា​មក​លេង​នៅ​ក្នុង​ដី​ឡូ​រ៍ របស់​ជីតានៅ​មុខ​ផ្ទះ​ឈ្មោះ ឆោម ឈាង ភេទ​ប្រុស អាយុ​៥១​ឆ្នាំនិង​ប្រពន្ធ​ឈ្មោះ យាវ គី អាយុ​៥០​ឆ្នាំ នៅ​ភូមិ​-​ឃុំ​ខាងលើបន្ទាប់​មក​នាំ​គ្នា​លេង​រុញ​ទ្វាររបងទៅ​មក​ៗស្រាប់តែ​ធ្វើ​ឲ្យ​ផុត​គន្លឹះ​ខ្ទាស់​ទ្វារ​របូតបណ្ដាល​ឲ្យ​រលំ​ទ្វារ​ដែក​សង្កត់ពីលើ​ក្មេង​ប្រុស​ម្នាក់​ឈ្មោះ រុន ចំរុង (​ស្លាប់​) និង​ពីរ​នាក់​ទៀតរង​របួសស្រាល ។

ក្រោយ​ពី​ទទួលព័ត៌មាន​សមត្ថកិច្ច​ចុះ​ទៅ​ដល់​កន្លែង​កើតហេតុពិនិត្យ​ឃើញ​ថាក្មេង​រង​គ្រោះ​ពិតជា​ស្លាប់​ដោយ​រលំ​ទ្វារ​សង្កត់​ពិតប្រាកដ​មែន​។

យ៉ាងណាឪពុក​ម្ដាយ​ក្មេង​រង​គ្រោះសំណូមពរ​ដល់​សមត្ថកិច្ច​ជំនាញ​មិនបាច់​ធ្វើការ​ពិនិត្យ​លើ​សាកសព​កូន​របស់​ខ្លួន​ទេហើយ​សុំ​យក​សព​ធ្វើបុណ្យ​តាម​ប្រពៃណី ៕