អាជ្ញាធរក្រសួង​រ៉ែ​និង​ថាមពលនិងខាងជំនាញគួរតែចាប់អារម្មណ៍ពីហានិភ័យទេបើស៊ីទែនហ្គាសនិងសាំងដាក់ក្បែរគ្នាបែបនេះ?

អាជ្ញាធរក្រសួង​រ៉ែ​និង​ថាមពលនិងខាងជំនាញគួរតែចាប់អារម្មណ៍ពីហានិភ័យទេបើស៊ីទែនហ្គាសនិងសាំងដាក់ក្បែរគ្នាបែបនេះ?

ទំនាក់ទំនង៖ 077 818 318
ចែករំលែកព័ត៌មានទៅកាន់៖

បន្ទាយមានជ័យ:​ វាជរឿងមួយគួរពិចារណាហេីយក៏ពិតជា​ទើសភ្នែកប្រជាពលរដ្ឋបំផុតហើយជាមួយនឹងក្តីបារម្ភពីហា​និភ័យបង្ករអោយមានអគ្គីភ័យនិងផ្ទុះឆាបឆេះបង្កគ្រោះថ្នាក់​ដល់ផ្ទះសម្បែងអគារជាទ្រព្យសម្បត្តិរដ្ឋគ្រោះថ្នាក់ដល់អ្នកជិតខាងខណៈដែលឃើញពីទិដ្ឋភាពជាក់ស្តែងដែល​ម្ចាស់ស្ថានីយប្រេងបានយកស៊ីទែនហ្គាសនិងសាំងដាក់ក្បែរគ្នាបែបនេះព្រោះវាងាយរងគ្រោះបំផុត។

សូមជម្រាបថាស្ថានីយប្រេងឥន្ធនៈសូគីម៉ិចមួយកន្លែងស្ថិត​នៅជាប់របងមន្ទីរពេទ្យបង្អែកក្រុងសិរីសោភ័ណការិយា​ល័យសុខាភិបាលស្រុកប្រតិបត្តិខេត្តបន្ទាយមានជ័យស្ថិតក្នុងសង្កាត់ព្រះពន្លាក្រុងសិរីសោភ័ណខេត្តបន្ទាយមានជ័យ ដែលម្ចាស់ស្ថានីយប្រេងឥន្ទនៈមួយកន្លែងនេះអាចគិតតែពីផលចំណេញមិនគិតពីហានិភ័យដែលនឹងអាចកើតមាន​ដល់ប្រជាពលរដ្ឋចំពោះការដាក់ថែមនូវស៊ីទែនហ្គាស១ទៀតចំកណ្ដាលទីប្រជុំជនបែបនេះធ្វើឲ្យប្រជាពលរដ្ឋរស់នៅជុំវិញកន្លែងការាសសាំងនិងហ្គាសនោះកំពុងត្រូវប្រឈមដោយ​មានការភិតភ័យប្រសិនបើថ្ងៃណាមួយស៊ីទែនហ្គាសនេះកើតមានហានិភ័យផ្ទុះឆាបឆេះតើនឹងមានប្រជាពលរដ្ឋប៉ុន្មាននាក់ត្រូវរងគ្រោះ? ពិសេសអាជ្ញាធរនិងខាងជំនាញអត់ទើសភ្នែកអីបន្តិចសោះ។

Sponsor

សូមរំឭកថាបើ​តាម​ការ​អះអាង​របស់​លោក​ ​អុឹង អៀង​ រដ្ឋលេខាធិការ​ក្រសួង​រ៉ែ​និង​ថាមពល​ធ្លាប់បានលើក​ឡើង​ក្នុង​សិក្ខាសាលា​ផ្សព្វផ្សាយ​ច្បាប់​ស្តី​ពី​ហា​និភ័យ​ស្ថានីយនិង​សារា​ចរសុវត្ថិភាពសម្រាប់​ការ​រៀបចំ​ស្ថានីយប្រេងនិង​ឧស្ម័ន​ថា​ច្បាប់​​អំ​​ពី​ហានិភ័យ​ដែល​អាច​កើត​មាន​ឡើង​និង​អំពី​បែប​បទ​និង​នីតិ​វិធី​ក៏​ដូច​ជា​បច្ចេកទេស​សុវត្ថិភាព​ក្នុង​ការ​គ្រប់គ្រង​និង​ប្រកប​អាជីវកម្ម​ដល់​ម្ចាស់​ស្ថានីយ​អ្នក​សាងសង់​ស្ថានីយ​យល់​ច្បាស់​អំពី​តួនាទី​ភារកិច្ច​និង​នីតិវិធី​នានា​ដើម្បី​មាន​ភាព​ងាយស្រួល​និង​ការ​បម្រើសេវា​សាធារណៈ​ជូន​ដល់​ប្រជាពលរដ្ឋ​ក៏​ដូច​ជា​ការ​ចុះ​ត្រួតពិនិត្យ​និង​ធ្វើ​អធិការកិច្ច​ប្រក​ប​ដោយ​ប្រសិទ្ធភាព​តម្លាភាព​ស្រប​តាម​ច្បាប់​និង​លិខិត​បទដ្ឋាន​គតិ​យុ​ត្តិពាក់ព័ន្ធ​នានា​ជា​ធរមាន​។

ថ្មីៗនេះដើម្បីបញ្ចៀសហានិភ័យកើតឡើងតាមស្ថានីយប្រេងក្រសួងរ៉ែនិងថាមពលក៏តម្រូវឱ្យម្ចាស់ស្ថានីយទាំងអស់នៅទូទាំងប្រទេសមកសុំច្បាប់អនុញ្ញាតពីក្រសួងឱ្យបានត្រឹមត្រូវដើម្បីខាងក្រសួងសិក្សាពីហានិភ័យថាតើត្រូវអនុញ្ញាតឱ្យបើកអាជីវកម្ម ឬមួយយ៉ាងណាបើក្នុងករណីដូចទីតាំងស្ថានីយប្រេងសូគីមិចនេះសង្ឃឹមថាខាងក្រសួងមិនចេញច្បាប់ឱ្យឡើយ។

ប្រជាពលរដ្ឋសំណូមពរឱ្យអាជ្ញាធរនិងខាងជំនាញមន្ទីរ-ក្រសួងរ៉ែនិងថាមពលជួយគិតគូររឿងនេះផងដើម្បីសុវត្ថិភាពក្នុងមូលដ្ឋាន៕