ដាច់ជណ្តើរយោងនៅក្នុងកាដ្ឋានបណ្ដាលឱ្យស្លាប់កម្មករម្នាក់​និង​របួសធ្ងន់ម្នាក់រដ្ឋបាលបាលរាជធានីភ្នំពេញសម្រេចផ្អាកជាបណ្តោះអាសន្ន

ដាច់ជណ្តើរយោងនៅក្នុងកាដ្ឋានបណ្ដាលឱ្យស្លាប់កម្មករម្នាក់​និង​របួសធ្ងន់ម្នាក់រដ្ឋបាលបាលរាជធានីភ្នំពេញសម្រេចផ្អាកជាបណ្តោះអាសន្ន

ទំនាក់ទំនង៖ 077 818 318
ចែករំលែកព័ត៌មានទៅកាន់៖

ភ្នំពេញ:​ ក្រោយពីមានករណីដាច់ជណ្តើរយោងធ្លាក់ស្លាប់កម្មករម្នាក់និងរបួសធ្ងន់ម្នាក់កាលពីថ្ងៃទី២០ខែសីហាឆ្នាំ២​០​២០ឯកឧត្តម ឃួង ស្រេង អភិបាលរាជធានីភ្នំពេញបានណែ​នាំដល់លោក​ សុខ ពេញវុធ​ អភិបាលខណ្ឌដូនពេញ​​ដឹកនាំ​ក្រុម​ការងារចម្រុះចុះផ្អាកការដ្ឋានសាងសង់មួយកន្លែង​ដែលស្ថិត​នៅ​ផ្លូវ​លេខ​២០០សង្កាត់​បឹងរាំង​ខណ្ឌ​ដូនពេញរាជធានីភ្នំពេញ ។

បើតាមរបាយការណ៍របស់អាជ្ញាធរបានបញ្ជាក់ថាការដ្ឋាន​សំណង់​មួយនេះមាន​លិខិត​អនុញ្ញាត​សាងសង់​ចេញដោយ​សាលា​រាជធានី​ភ្នំពេញ​ចុះថ្ងៃទី១៧​ខែមករា​ឆ្នាំ​២០១៩​និង លិខិត​បើក​ការដ្ឋាន​ ។

Sponsor

បច្ចុប្បន្នការដ្ឋាន​បានសាងសង់​១១ជាន់​ត្រឹមត្រូវ​ទៅតាម​លិ​ខិត​អនុញ្ញាត​សាងសង់​ហើយជាវិធានការចំពោះករណីនេះ អាជ្ញាធរសម្រេចដោយ
១-ផ្អាក​ការ​ដ្ឋាន​សាងសង់​ជា​បណ្ដោះ​អាសន្ន​ ។
២-ម្ចាស់​ការដ្ឋានត្រូវ​ចូលដោះស្រាយ​សំណង​រដ្ឋប្បវេណី​ដល់​គ្រួសារ​សព​និងគ្រួសារ​អ្នករង​របួស​ធ្ងន់​ឲ្យ​បានចប់​សព្វ​គ្រប់​ជាមុនសិន​ ។
៣-មិន​អនុញ្ញាត​អោយ​ក្រុម​ជាង​និង​កម្មករ​ស្នាក់​នៅ​ក្នុង​ការ​ដ្ឋាន​ក្នុង​អំឡុង​ពេល​ផ្អាក​ការ​សាងសង់បណ្តោះអាសន្ននេះឡើយ​ ។
៤-ត្រូវរៀបចំ​ប្រព័ន្ធ​សុវត្ថិភាព​ការដ្ឋាន​ឡើងវិញអោយបាន​ត្រឹមត្រូវ​ ។
៥-បន្ទាប់​ពីម្ចាស់​ការដ្ឋានបាន​អនុវត្ត​តាម​ចំណុច​ទី១​ ទី២​ ទី៣​ និងទី៤​ ​ខាងលើបានចប់សព្វគ្រប់ហើយ​ម្ចាស់ការដ្ឋាន​សំណង់ត្រូវដាក់ពាក្យស្នើសុំបើកការដ្ឋានឡើងវិញ​ពីរដ្ឋបាលខណ្ឌដូ​នពេញ​ ។

សូមបញ្ជាក់ថាចំពោះករណីនេះមិនមានវត្តមានម្ចាស់ការដ្ឋាន ឬតំណាងម្ចាស់ការដ្ឋានចូលមកសហការជាមួយអាជ្ញាធរ​សាលាខណ្ឌដូនពេញក្នុងការធ្វើកំណត់ហេតុផ្អាកទីតាំងសំណង់នោះទេ ៕